Քաղաքակրթական ներուժը կեցության բարձրագույն արժեք է:

Փակվել է Լեհաստանի միակ հրեական պետական թատրոնը

06.09.2016

Հունիսի սկզբներին Վարշավայում անորոշ ժամանակով փակվել է տեղի Հրեական պետական թատրոնը: Ըստ պաշտոնական մեկնաբանության, դրա պատճառը շենքի վթարային վիճակն է, սակայն տեղական թերթերը հաղորդում են, որ դա կապված է ինչ-որ մասնավոր ներդրողի ցանկության հետ, ով թատրոնի տեղում կամեցել է բարձրացնել 30 հարկանի գրասենյակային երկնաքեր:

Հրեական սոցիալ-մշակութային ասոցիացիան Լեհաստանի մայրաքաղաքի Գժիբովսկու հրապարակում գտնվող մշակութային հաստատության միահարկ շենքը վաճառել է իր ֆինանսական հիմնախնդիրների պատճառով: Կառույցը երկար տարիներ գտնվում էր վատ վիճակում, իսկ ասոցիացիան ֆինանսական հնարավորություններ չէր կարողանում հայթայթել այն վերանորոգելու համար: Այդ մասին տեղեկացնում է «jewishnews.com.»-ը:

Ապագա երկնաքերը կառուցող «Ghelamco» շինարարական ընկերությունը խոստացել է, որ իրենց բարձրացրած շենքում Հրեական պետթատրոնին կհատկացվի համապատասխան տեղ: Իսկ շինարարության ողջ ընթացքում հրեական թատերախումբը ստիպված կլինի իր համար գտնել նոր տանիք: Եթե համապատասխան շինություն չգտնվի, ապա թատրոնի ողջ անձնակազմը և դերասանները կկորցնեն իրենց աշխատատեղերը:

Վարշավայի հրեական պետական թատրոնը հիմնադրվել է 1950 թ.-ին: Այն միակն է Լեհաստանում և երկրորդը ողջ Եվրոպայում, որտեղ նորկայացումները ցուցադրվում են հրեերեն: Թատրոնի տնօրենն է, ռեժիսոր և դերասան Գոլդա Թենսերը, ով նաև հրեական մշակույթին և լեզվին նվիրված «Singer՝s Warsaw» փառատոնի կազմակերպիչն է:
    Դիտվել է 347 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305>>հաջորդ