Քաղաքակրթական ներուժը կեցության բարձրագույն արժեք է:

Բացվել է «Դաժան ժամանակաշրջանի մարդասեր»-ին նվիրված ցուցահանդես

06.09.2016


Այսօր Մոսկվայի Բախրուշինի անվան Թատրոնի պետական կենտրոնական թանգարանում բացվել է «Դաժան ժամանակաշրջանի մարդասերը» խորագիրը կրող ցուցահանդես՝ նվիրված մեծ դերասան, ռեժիսոր և մանկավարժ Միխայիլ Չեխովի ծննդյան 125 ամյակին: Այդ մասին տեղեկացնում է «taglur.am»-ը՝ հղում անելով «РИА новости»-ին:

Ցուցադրանքը տեղ է զբաղեցրել թանգարանի մասնաճյուղը հանդիսացող Շեպկինի տուն թանգարանում:
Միխայիլ Չեխովը համարվել է Ստանիսլավսկու ամենափայլուն աշակերտը: Նա առանձնահատուկ տեղ է զբաղեցնում համաշխարհային թատրոնի պատմության մեջ: Թատերական քննադատները հատկապես շեշտում էին հանդիսասրահը շատ կոմիկականից անսպասելիորեն ողբերգականին, ծիծաղից մինչև արցյունք, ուրախությունից «թախծի սուր զգացողության» տեղափոխելու նրա ունակությունը:

Այցելուները ներկայացված նյութերի միջոցով կվերապրեն արվեստագետի անցած ստեղծագործական բազմաթիվ պահեր: Դրանք և լուսանկարներ են, և տեսագրություններ, և դերասանի անձնական իրեր և այլն:

Չեխովը, Ռուսաստանից բացի, մեծ ներդրում է ունեցել նաև համաշխարհային թատրոնի և կինոյի զարգացման ասպարեզում: Հեռանալով Խորհրդային Ռուսաստանից՝ 1935 թ.-ին նա Անգլիայում հիմնել է թատերական դպրոց, որտեղ նպատակ է ունեցել «ստեղծել... պիեսի հեղինակի, ռեժիսորի, դերասանի նոր տիպ, որոնք պետք է պատասխանատվություն կրեին այն բանի համար, ինչը կծնվեր հանդիսատեսների սրտում»: 1938 թ.-ին Չեխովի դպրոցը վերափոխվում է թատրոնի և տղափոխվում Ամերիկա: Այնտեղ արտիստն իրեն նվիրում է մանկավարժությանը և, միաժամանակ, նկարահանվում Հոլլիվուդում:
    Դիտվել է 313 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432>>հաջորդ