Քաղաքակրթական ներուժը կեցության բարձրագույն արժեք է:

Ի մի է բերում թատրոնի ոլորտում համաշխարհային ձեռքբերումները

06.18.2016

Այս օրերին Ռումինիայի Սիբիու քաղաքում ընթանում է Եվրոպայի խոշորագույն միջազգային թատերական փառատոներից մեկը, որն արդեն 20 տարի ի մի է բերում թատրոնի ոլորտում նշանակալից համաշխարհային ձեռքբերումները: Այդ մասին տեղեկացնում է «taglur.am»-ը՝ հղում անելով «ՏԱՍՍ»-ին:

Այս տարի կայանում է Սիբիուի 23-րդ փառատոնը, որին մասնկացում են 70 երկրներից ժամանած թատերական կոլեկտիվներ: Նրանք, ընդհանուր առմամբ կներկայացնեն 459 բեմադրություն: Ընդ որում, ներկայացումները պատրաստող ռեժիսորների անվանացանկում քիչ չեն նաև համաշխարհային թատերական արվեստում արդեն մեծ ներդրում ունեցող գործիչները: Օրինակ, Սիբիուի միջազգային փառատոնում իրենց աշխատանքներն են ցուցադրելու միջազգային մեծ համբավ վայելող այնպիսի ռեժիսորներ, ինչպիսիք են Թոմաս Օսթերմայերը, Քրիստոֆ Մարթալերը, Էյմունթաս Նաքրյոշուսը, Էուժենիո Բարբան և ուրիշներ:

Սիբիուի թատերական միջավայրի կարևորագույն բաղադրիչներից է դարձել նաև 2013թ.-ին հիմված Փառքի ծառուղին, որտեղ առիթից առիթ բացվում են թատերական արվեստում մեծ ձեռքբերումների հասած գործիչների անվանական աստղերը: Այստեղ արդեն իրենց աստղերն ունեն Սիլվիո Պուարկառետեն, Դեկլան Դոնելլանը, Քրիստինա Լուպան, Փիտեր Բրուքը, Պետեր Շտայնը, Լև Դոդինը և այլոք:

Ի դեպ, այսօր Սիբիուի Փառքի ծառուղում «կծագի» ևս մեկ աստղ, որը կանվանակոչվի Մոսկվայի Ազգությունների թատրոնի գեղարվեստական ղեկավար Եվգենի Միրոնովի անունով: Իր անվանական աստղի բացման և փառատոնի առիթով ռուսաստանցի արտիստը Սիբիուի հանդիսատեսներին կներկայացնի իրենց թատրոնի ամենահաջողված ներկայացումներից մեկը՝ «Շուկշինի պատմվածքները»:

Ավելացնենք, որ Սիբիուի 23-րդ թատերական միջազգային փառատոնի շրջանակներում բացվելու են նաև թատերական մեծահամբավ ռեժիսորներ Լյուք Պերսևալի, Ալվիս Հերմանիսի, Քրիստոֆ Մարտալերի և Թոմաս Օսթերմայերի անվանական աստղերը :

    Դիտվել է 337 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306>>հաջորդ