Քաղաքակրթական ներուժը կեցության բարձրագույն արժեք է:

Զվարճալի և քաղաքական ծրագրերը «ՏԷՖՖԻ»-ի նույն անվանակարգում

06.29.2016

Նախօրեին՝ հունիսի 28-ին կազմակերպական անհարմար իրավիճակ է առաջեցել Մոսկվայի «Օստանկինո» հեռուստակենտրոնում կայացած «ՏԷՖՖԻ» մրցանակաբաշխության ժամանակ: Այդ մասին տեղեկացնում է «taglur.am»-ը՝ հղում մանելով «ՏԱՍՍ»-ին:

Հեռուստատեսային արտադրանքի այդ հեղինակավոր միջոցառման ընթացքում կազմակերպիչները հանկարծ հասկացել են, որ «Երեկոյան թոք-շոու» անվանակարգում են ընդգրկված միմյանցից ժանրային առանձնահատկություններով արմատականորեն տարբերվող քաղաքական և ժամանցային-զվարճալի ծրագրեր: Այսպես, այդ անվանակարգում «ՏԷՖՖԻ»-ի էին ներկայացվել այդ երկրի հեռուստաալիքներով հեռարձակվող «Եկ ամուսնանք», «Ռևիզորո-շոու» և «Կիրակնօրյա երեկո Վլադիմիր Սոլովյովի հետ» հաղորդումները:

Ռուսաստանի հեռուստատեսային արտադրանքի մրցանակաբաշխության կոմիտեի գլխավոր տնօրեն Մայա Կաբախիձեն այս թյուրիմացությունը համարել է անվանակարգերի ոչ լիարժեք մշակվածության հետևանք և տեղեկացրել, որ այդ անվանակարգը պետք է բաժանել երկու մասի՝ «Երեկոյան զվարճալի թոք-շոու» և «Սոցիալ-քաղաքական թոք-շոու»:

Կաբախիձեն նշել է, որ հեռուստատեսությունում իրավիճակը մշտապես փոփոխվում է և նախկինում նույնպես այս մրցաբակաբաշխության կազմակերպման այս կամ հարցի վերաբերյալ փոփոխությունների անհրաժեշտություններ են առաջացել:

Նշենք, որ չնայած արձանագրված թերությանը, այնուամենայնիվ «ՏԵՖՖԻ»-ն այդ անվանակարգում շնորհվել է «Ռևիզորո-շոու» ժամանցային հեռուստատեսային ծրագրին:

«ՏԵՖՖԻ» հեռուստատեսային արտադրանքի մրցանակաբաշխությունը հիմնադրվել է1994 թ.-ին: Այն տարբեր տարիների ունեցել է տարբեր թվով մրցանակային անվանակարգեր: 2014թ.-ից այդ միջոցառման կազմակերպիչն է Ռուսաստանի հեռուստատեսային արտադրանքի մրցանակաբաշխության կոմիտեն, որը ղեկավարում է Մայա Կաբախիձեն:
    Դիտվել է 403 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432>>հաջորդ