Քաղաքակրթական ներուժը կեցության բարձրագույն արժեք է:

Իշխանությունները խնդրում են վերադառնալ երկրից արտագաղթած ռեժիսորին

07.06.2016

Մոսկվայի մշակույթի դեպարտամենտը և թատերական գործիչների միությունը խոստացել են Պովարսկայա 20 հասցեում գտնվող դրամատիկական արվեստի դպրոց ստուդիան վերադարձնել ռեժիսոր Անատոլի Վասիլևին, որը 2005 թ.-ին հեռացվել էր այդտեղից: Այդ մասին հաղորդում է «taglur.am»-ը՝ հղում անելով «lenta.ru»-ին:

ՌԴ-ի թատերական գործիչների միության փոխնախագահ Գենադի Սմիռնովը վերջերս ասել էր, որ «Ալեքսանդր Կալյագինը պարբերաբար դիմում էր թատերական ոլորտում մասնագետներ պատրաստելուն ուղղված Պովարսկայան (դպրոցը-խմբ.) Անատոլի Վասիլևին վերադարձնելու համար»:

Նշենք որ դպրոցի զբաղեցրած տարածքը վերջին անգամ տրամադրված է եղել իր հիմնական շենքում վերանորոգում սկսած Տագանկայի թատրոնին:

Դրամատիկական արվեստի դպրոցը 1986-2005թթ.-երին զբաղեցնում էր Պովարսկայա 20-ի նկուղային հարկը և դրանից անմիջապես վերև գտնվող մեկ բնակարան: Դպրոցը 2001 թ.-ին տեղափոխվել է մեկ այլ շենք, սակայն շուտով զրկվել է նաև իր հիմնադիր ղեկավարից: Վասիլևին Մոսկվայի այն ժամանակվա իշխանությունները հեռացրել էին աշխատանքից այն հիմնավորմամբ, որ նրա դպրոց ստուդիան չի բերում ֆինանսական օգուտ: Դրանից հետո կենդանության օրոք ռուսական դրամատիկական արվեստի դասական համարվող արվեստագետն ստիպված արտագաղթել էր Եվրոպա:

Եվրոպայում Անատոլի Վասիլևը զբաղվել է ինչպես բեմադրական աշխատանքներով, այնպես էլ ծավալել է մանկավարժական գործունեություն: Նա հնարավորություն է ունեցել իր կարողությունները բացահայտել ու փոխանցել զարգացած թատերական համակարգ ունեցող այնպիսի երկրների երիտասարդների, ինչպիսիք են Ֆրանսիան, Հունաստանը, Հունգարիան և այլն:

Ասենք, որ Մոսկվայի նախկին քաղաքապետ Յուրի Լուժկովի հետ անհաշտ հարաբերություններ ունցող Անատոլի Վասիլևին հայրենիք վերադարձնալու և գործունեությունը շարունակելու ցանկություն են հայտնել Ռուսաստանի մայրաքաղաքի այսօրվա իշխանությունները և ոչ թե վաստակաշատ թատերական գործիչն է այդ խնդրանքով դիմել նրանց:


    Դիտվել է 306 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305>>հաջորդ