Քաղաքակրթական ներուժը կեցության բարձրագույն արժեք է:

Նկարահանվում է ֆիլմ Պանամայի օֆշորի մասին

07.07.2016

Ամերիկացի ռեժիսոր Սթիվեն Սոդերբերգը նախապատրաստվում է նկարահանել ֆիլմ վերջերս մեծ աղմուկ հանած պանամայական օֆշորի մասին: Այդ մասին տեղեկացնում է «taglur.am»-ը՝ հղում անելով «hollywoodreporter.com»-ին:

Ֆիլմի սցենարը գրում է Սքոթ Բերնսը, ում հետ Սոդերբերգն արդեն աշխատել է «Ինֆորմատորը» (2009թ.) և «Կողմնակի ազդեցություն» (2013թ.) գեղարվեստական կինոնկարների արտադրության ժամանակ: Նշենք, որ Սոդերբերգի հետ միասին ներկա կինոնախագծի պրոդյուսերներությունը ստանձնել են ևս երկու կինոարտադրողներ՝ Լոուրենս Գրեյը և Մայքլ Շուգարը:

Կինոնկարի հիմքում դրվելու է լրագրող Ջեյք Բերնսթայնի «Գաղտնիության աշխարհ» գիրքը:

Այս հեղինակը օժանդակել է հրապարակել Պանամայական օֆշորի մասին ավելի քան 11 մլն փաստաթուղթ: Իսկ գրքում նա անդրադառնում է այն թեմային, թե ինչպես են համաշխարհային էլիտայի հարուստ և ազդեցիկ ներկայացուցիչները օգտվել պանամայական «Mossack Fonseca» իրավաբանական ֆիրմայի ծառայություններից:

Սպասվում է, որ ֆիլմը կանդրադառնա քաղաքական էլիտայի ներկայացուցիչների և հայտնի մարդկանց ֆինանսական խորամանկ գործարքներին, աշխարհի խոշոր բանկերի անօրինական գործունեությանը:

Նշենք, որ Բերնսթայնի գրքում բացահայտվում է նաև այն դերակատարությունը, որ ունեցել են ամերիկյան ընկերությունները և քաղաքացիները այդ աղմկահարույց գործում և ցույց է տալիս, թե ինչպես են տարբեր երկրների մի խումբ լրագրողներ պատրաստել «Պանամայական փաստաթղթեր»-ի հրատարակությունը:

Օֆշորի մասշտաբային ուսումնասիրությամբ զբաղվել են մի քանի հրատարակչություններ ու կազմակերպություններ, որոնց թվում «Suddeutsche Zeitung», «Organized Crime and Corruption Reporting Project» (OCCRP), «International Consortium of Investigative Journalists» (ICIJ), «The Guardian» և այլ պարբերականներ:

« Mossack Fonseca» ընկերության տվյալների շտեմարանից արտահոսքի պատճառով լրատվություն հայտնվեց այն մասին, որ Պանամայի օֆշորի մեջ մասնակցություն ունեն նաև համաշխարհային մակարդակի շատ առաջնորդներ, որոնք զբաղվել են կեղտոտ փողերի լվացմամբ և խուսափել են հարկերից:

Ավելացնենք, որ Պանամայի օֆշորային աղմուկի մեջ շոշափվում են նաև ՌԴ-ի նախագահ Վլադիմիր Պուտինի մերձավոր անձանց, Ադրբեջանի նախագահ Իլհամ Ալիևի ու նրա ընտանիքի անդամների անուններ:

Հիշեցնենք նաև, որ տեղական զանգվածային լրատվամիջոցներում շրջանառվող լուրերի համաձայն Ջեյք Բերնսթայնի հրապարակած 11 մլն փաստաթղթերում կան նաև Հայաստանի քաղաքացություն ունեցող անձանց անուններ:
    Դիտվել է 303 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418>>հաջորդ