Քաղաքակրթական ներուժը կեցության բարձրագույն արժեք է:

Ստացած մրցանակների քանակով ռեկորդակիր կոմպոզիտորն այս տարի կբոլորեր իր 85 ամյակը

07.12.2016

Ռուսաստանի Մեծ թատրոնում հուլիսի 19-ին կայանալիք համերգ ներկայացումը, որ կրում է «Երկարեցրեք ակնթարթը, մաեստրո» վերնագիրը, կնվիրվի Միքայել Թարիվերդիևի 85-ամյակին: Նշենք, որ այս համերգը կնշանավորի նաև 1996թ.-ին կյանքից հեռացած կոմպոզիտորի հիշատակին նվիրված «Հիշիր այս ակնթարթը» միջազգային փառատոնի մեկնարկը: Այդ մասին տեղեկացնում է «taglur.am»-ը՝ հղում անելով «РИА новости»-ին:

«Թարիվերդիևի երաժշտությունն այնքան շատ է, այդ թվում նաև դեռևս ոչ մի անգամ չկատարվածները, որ նրա մասին պետք է խոսի այն (Երաժշտությունը-խմբ.)»,- ասել է կոմպոզիտորի բարեգորական հիմնադրամի նախագահ Վերա Թարիվերդիևան:

Նշենք, որ համերգ-ներկայացման ժամանակ Մեծ թատրոնի սիմֆոնիկ նվագախումբը դիրիժոր Ալեքսանդր Պոլյանիչկոյի ղեկավարությամբ կկատարի հատվածներ կոմպոզիտորի «Ով ես դու», «Կոմս Կալիոստրո», «Ֆիգարենկոյի ամուսնությունը» օպերաներից: Նշենք, որ «Ֆիգարենկոյի ամուսնությունը» հանրությանն է ներկայացվելու առաջին անգամ:

Թարիվերդիևի 85-ամյակին նվիրված մեծաթիվ համերգներ կկայանան նաև Ռուսաստանի այլ քաղաքներում, ինչպես նաև արտասահմանյան մի շարք երկրներում՝ Ֆրանսիայում, ԱՄՆ-ում, Գերմանիայում, Վրաստանում, Հայաստանում, Մեծ Բրիտանիայում:

Միքայել Թարիվերդիևի 85 ամյակին նվիրված երաժշտական փառատոնը, որտեղ կհնչեն միայն նրա ստեղծագործությունները, կեզրափակվի նոյեմբերի 23-ին Մոսկվայում, Չայկովսկու անվան համերգային դահլիճում:

Թարիվերդիևի անունը լավ հայտնի է նաև կինոյի համար գրված նրա բազմաթիվ երաժշտական գործերով («Գարնան 17 ակնթարթները», «Բաղնիքդ անուշ կամ ճակատագրի հեգնանք» և այլ ): Ընդհանուր առմամբ նա երաժշտություն է գրել 130 կինոնկարի համար:

Հետաքրքիր ևս մի փաստ. 2002 թ.-ին հայազգի Միքայել Թարիվերդիևի անունը գրանցվել է «Գինեսի գրքում», որպես երաժշտական ստեղծագործությունների համար ամենաշատ քանակով մրցանակներ ստացած կոմպոզիտորի:
    Դիտվել է 376 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184