Քաղաքակրթական ներուժը կեցության բարձրագույն արժեք է:

Սոֆոկլեսի «քաղաքացիական առաքինության բարձր իդեալները» երկու օրում հասել է 28 հազար հանդիսատեսի

08.03.2016


«Ես, անշուշտ,շատ անգամ եմ կարդացել ու դիտել «Էդիպ Արքան»: Այն մեր համար, ինչպես դուք հասկանում եք, ազգային ստեղծագործություն է, որը ուղեկցում է ողջ կյանքի ընթացքում» ,- ասել է Հունաստանի նախագահ Պրոկոպիս Պավլոպուլոսը, հուլիսի 29-ին անտիկ դասական հեղինակի հայտնի պիեսի ներկայացման պրեմիերայից հետո, որը մ.թ.ա. 4-րդ դարում կառուցված նշանավոր Էպիդավրոսի ամֆիթատրոնում իրականացրել է Մոսկվայի Վախթանգովի անվան թատրոնի գեղարվեստական ղեկավար Ռիմաս Տումինասը:

Խոսելով Տումինասի այս նոր բեմադրության մասին, Հունաստանի նախագահը նաև նշել է, որ ներկայացումը ստիպել է իրեն «բացարձակ թարմ հայացքով դիտելու վաղուց ի վեր ծանոթ պատմությունը»: Պրոկոպիս Պավլոպուլոսը Տումինասին հայտնել է, որ ինքը «ուրախ կլինի, եթե Վախթանգովի թատրոնը հաճախակի հյուրընկալվի Հունաստանում»:
Նշենք, որ 14 հազար հանդիսատես տեղավորող ամֆիթատրոնում ներկայացումը ցուցադրվել է նաև 2-րդ օրը՝ հուլիսի 30-ին:

«Այսպիսի տեսարանների նպատակն այն է, որպեսզի ժողովրդի մեջ վառ պահվի հավատն աստվածների նկատմամբ և նրանք ներշնչվեն քաղաքացիական առաքինության բարձր իդեալներով»,- ասել է թատերական տեսաբան Գրիգորի Բոյաջիևը:

Ռիմաս Տումինասը իր ներկայացման մեջ աշխատել է հարազատ մնալ Սոֆոկլեսի պիեսում ակնհայտ երևացող այդ անտիկ կանոնին: Տումինասի ««Էդիպ արքան» զուրկ է նոր ժամանակների սուր կանխանշաններից, հետդրամատիկական շերտավորումներից: Կերպարները իրենց ողբերգականության մեջ այնքան որոշակի են, որ ներկայացման համար ռեժիսորին երախտագիտություն հայտնած հույները ասել են, որ շատ տեսարաններ իրենք հասկացել են նաև առանց թարգմանության»,- գրում է «teatral-online.ru»-ն:

Նշենք, որ ներկայացումը բեմադրվել և ընթանում է երկու լեզվով: Անտեղ ընդգրկված հույն և ռուս դերասանները էդիպի ողբերգական պատմությունը հյուսում են իրենց մայրենիով, իսկ թարգմանությունը սինքրոն ցուցադրվում է մեծ էկրանների վրա:

    Դիտվել է 334 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309>>հաջորդ