Քաղաքակրթական ներուժը կեցության բարձրագույն արժեք է:

Անձրևի պատճառով ներկայացման ավարտական ակորդը հնչել է գիշերվա ժամը 3-ին

08.05.2016


Սուխումին այն քաղաքն է, որը ընդունեց Շվեյցարիայում մեկնարկած օպերային արվեստի «Խիբլա Գերզմավան հրավիրում է» հոբելյանական 15-րդ փառատոնը: Այդ մասին տեղեկացնում է «taglur.am»-ը՝ հղում անելով «newizv.ru»-ին:

Ազգությամբ աբխազուհի, ռուսական բեմի ճանաչված արտիստ, «Ոսկե դիմակ» մրցանակի դափնեկիր Խիբլա Գերզմավան իր անունը կրող միջոցառմամբ փորձում է հայրենիքում նպաստել ժամանակակից օպերային արվեստի տարածմանը և մասսայականացմանը:

Հոբելյանական փառատոնը երգչուհու հայրենիքում հյուրընկալվել է երկու օր: Առաջին օր աբխազ հանդիսատեսներին է ներկայացվել Լուիջի Քերուբինիի «Մեդեա» օպերան, որի գլխավոր դերակատարմամբ, 2015թ.-ին, Գերզմավան արժանացել էր Ռուսաստանի ազգային թատերական «Ոսկե դիմակ» մրցանակին:

Գերզմավայի կատարմամբ «Մեդեա» օպերան սկզբում ներկայացվել է Սև ծովի Դիոսկուրով ափամերձ վայրում, սակայն առաջին գործողության վերջին ակորդն հնչելուց առաջ բեմի ու հանդիսատեսների վրա հանկարծակի սկսել է հորդառատ անձրև տեղալ: Ներկայացումը ընդհատվել է և միայն մեկ ու կես ժամ հետո շարունակվել տեղի դրամատիկական թատրոնի բեմում: Սակայն այստեղ նույնպես տանիքը չի կարողացել դիմանալ անձրևի կաթիլների գրոհին և ջուրն սկսել է թափվել, դերակատարների, թատրոն գալով իրենց հավատարմությունը օպերային արվեստին ու Գերզմավային ցուցաբերած հանդիսատեսների և նվաքախմբի երաժշտական գործիքների վրա: Արդյունքում՝ ներկայացման երկրորդ գործողությունը սկսվել է կեսգիշերից հետո՝ ժամը 1:10-ին: Ապա արտիստները սահուն անցել են 3-րդ գործողության ցուցադրությանը:
Փառատոնային օպերան ավարտվել է գիշերվա ժամը 3-ին:

«Խիբլա Գերզմավան հրավիրում է» փառատոնը հիմնվել է 2001 թ.-ին և ամեն տարի անցկացվում էր Աբխազիայում:

2014 թ.-ին այն ընդարձակեց իր սահմանները և անցկացվեց նաև Մոսկվայում: 2015 թ.-ին երգչուհու նախաձեռնած 14-րդ փառատոնի բացումը կայացավ Վիենայի Մուզիկֆերեյն հայտնի դահլիճում, իսկ այս՝ 15-րդ հոբելյանական փառատոնի հանդիսավոր բացումը կայացել էր շվեյցարական ոչ պակաս հայտնի Սանտ-Մորիցե դահլիճում:
    Դիտվել է 320 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309>>հաջորդ