Քաղաքակրթական ներուժը կեցության բարձրագույն արժեք է:

Մեկնարկել է Ասիայի խոշորագույն թատերական փառատոներից մեկը

08.12.2016


Նախօրեին՝ օգոստոսի 11-ին Սինգապուրում մեկնարկել է Ասիա աշխարհամասի խոշորագույն թատերական փառատոներից մեկը՝ Սինգապուրի արվեստների միջազգային ամենամյա փառատոնը: Այդ մասին տեղեկացնում է «taglur.am»-ը՝ հղում անելով «travel-sgp.ru»-ին:

Այս ծավալուն մշակութային միջոցառումն իր մեջ է ներառում կատարողական արվեստի և գեղարվեստական վարպետության գրեթե բոլոր եզրերը՝ սկսած փողոցային ներկայացումներից մինչև ֆիլմերի մասսայական ցուցադրությունները, թատերական բեմադրություններից մինչև համերգային ու պարային ելույթները:

Սինգապուրի մշակութային տարվա գլխավոր իրադարձությունը համարվող փառատոնը հիմնադրվել է 1977 թ.-ին և նպատակ է հետապնդում ամեն տարի ի մի բերել և ներկայացնել այս երկրի տարբեր համայնքների ստեղծագործական կյանքի բազմազանությունը: Իսկ այսօր այն, արդեն, վերածվել է խոշոր միջազգային մշակութային միջոցառման:

Ավելացնենք, որ այս փառատոնը կազմակերպում են երկու անկախ կազմակերպություններ՝ «Arts House Limited»-ը և «Singapore International Festival of Arts»-ը: Այս ընկերությունները հավաքում են թատրոնի, պարի և երաժշտության տեղացի և միջազգային վարպետմերի լավագույն համարները՝ լայն հասարակությանը ներկայացնելու համար:
Սինգապուրյան միջոցառումը կազմված է երկու հատվածից: Նախ, մինչև գլխավոր իրադարձության բացումը, մեկնարկում է «Բացահայտում» փառատոնը, որի շրջանակներում տեղի են ունենում մասսայական ելույթներ, կինոցուցադրություններ, ցուցահանդեսներ: Այս փուլը կազմակերպիչները դիտարկում են որպես հանդիսատեսներին հիմնական միջոցառումներին նախապատրաստելու շրջան:

Ապա սկսվում է միջոցառման երկրորդ՝ գլխավոր «աստղերի» ելույթների փուլը: Այս տարի փառատոնը կհյուրընկալի այնպիսի հայտնի մշակութային գործիչների, ինչպիսիք են՝ թատերական ռեժիսոր Ռոբերտ Ուիլսոնը, կոմպոզիտոր Մայքլ Նայմանը: Սինգապուր կժամանեն նաև Լոնդոնի սիմֆոնիկ նվագախումբը, «Բեռլիներ անսամբլ» թատրոնը:

Ի դեպ, փառատոնը բացվել է կանադացի ռեժիսոր Ռոբեր Լեպաժի Մոսկվայի Ազգությունների թատրոնում անցյալ տարի բեմադրած «Համլետ/Կոլաժ» մենաներկայացումով, որտեղ հանդես է գալիս թատրոնի գեղարվեստական ղեկավար, դերասան Եվգենի Միրոնովը:

Փառատոնը կշարունակվի մինչև սեպտեմբերի 17-ը:
    Դիտվել է 349 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305>>հաջորդ