Քաղաքակրթական ներուժը կեցության բարձրագույն արժեք է:

Ե. Մարչելլի. «Lինում է, որ մեռյալ լռություն է»

10.17.2016

Տարիներ պետք է անցնեն, որպեսզի ի հայտ գա, առանց տրամաբանական բացատրությունների փախըմբռնում՝ ենթագիտակցականի մակարդակում: Յարոսլավցի արտիստների հետ ձևավորված հարաբերությունների մասին խոսելիս նշել է Ռուսական թատերական մշակույթի հնագույն օջախներից մեկի՝ Յարսլավլի Վոլկովի անվան թատրոնի գեղարվեստական ղեկավար Եվգենի Մարչելլին:

Թատերախմբում փոխըմբռնման մթնոլորտը, նրա ասելով, միանգամից չի ձևավորվում: «Չի կարելի գալ և ասել. «Վերջ: Վաղվանից սկսվում է նոր թատրոն: Այդպես չի լինում»,- ընդգծում է ռեժիսորը և ավելացնում, որ պետք է շարժվել աստիճանաբար: Որպես այդ մոտեցման փաստարկ, նա նշում է այն հանգամանքը, որ իր գալուց հետո (Մարչելլին այդ թատրոնը ղեկավարում է արդեն 6 տարի), խաղացանկում է թողել նախկին շատ ներկայացումներ, որոնք սիրելի են հանդիսատեսներին: Սակայն նա նաև ընդգծում է, որ դրա հետ միասին իրենք սկսել են առաջարկել նաև ինչ-որ նոր բաներ:

«Սկզբում, իհարկե մեզ նայում էին կասկածանքով, ինչպես օտարի: Ինչ-որ մեկին այսօր էլ դուր չի գալիս այն, ինչ մենք անում ենք: Սակայն գլխավորը, թատրոնի ներսում ստեղծվել է հարմարավետ մթնոլորտ, այստեղ իրենց լավ են զգում թե երիտասարդները, թե միջին սերունդը և թե ավագները»,- ասել է Եվգենի Մարչելլին:

Իսկ խոսելով հանդիսատեսների մասին, նա ասել է, որ նրանք փոխվում են ներկայացումից՝ ներկայացում: Ահա, օրինակ, մենք խաղում ենք «Ցիանական կալիումը կաթով, թե առանց կաթի...»: Դահլիճը միանում է հենց առաջին վայրկյանից, իսկ լինում է, որ մեռյալ լռություն է»:

Նա նշում է, որ իր յուրահատուկ բարքեր ունեցող Յարոսլավլում հանդիսատեսները պահպանողական են ավելի, քան դա իրեն ցանկալի է, բայց արդեն թատրոն են հաճախում նաև բոլորովին այլ, շատ ավելի երիտասարդ և անկեղծ հանդիսատեսներ...
    Դիտվել է 437 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305>>հաջորդ