Քաղաքակրթական ներուժը կեցության բարձրագույն արժեք է:

Նախկին ձախողումները` այսօր դասական գործերի մասունքներ

10.19.2016


Սանկտ-Պետերբուրգի թատրոնի և կինոյի պետական թանգարանում բացվել է «Լրիվ ձախողում» խորագիրը կրող ցուցահանես, որտեղ ներկայացված են բեմում ժամանակին ձախողում կրած, իսկ մեր օրերում գլուխգործոցների վերածված բեմադրությունների եզակի մասունքներ: Այդ մասին տեղեկացնում է «taglur.am»-ը՝ հղում անելով «tvkultura.ru».

Ինչպես ներկայացնում են այս յուրահատուկ ցուցադրության կազմակերպիչները, թանգարանում ներկայացված են ամենատարբեր պատճառներով տապալված ներկայացումների մասին պատմող նյութեր:

Օրինակ կան ցուցանմուշներ այնպիսի ներկայացումներից, որոնք պարզապես առաջ են անցել իրենց ժամանակից, մյուսները՝ չեն ունեցել համապատասխան բեմադրական մակարդակ, երրորդները դարձել են անարդար քննադատության զոհ կամ միտումնավոր են ձախողվել: Սակայն այդ բոլորին միավորում է մեկ ընդհանրություն. Բոլոր թատերական աշխատանքներին վիճակված է եղել ապագայում վերածվել համաշխարհային թատրոնի դասական գործերի:

Ցուցադրանքում տեղ են գտել 1902թ.-ին Ալեքսանդրինյան թատրոնում վերականգնված չեխովյան «Ճայը». Դա այսօր արդեն դասական համարվող պիեսի համար ունեցել է ճակատագրական նշանակություն: Կամ՝ Շոստակովիչի «Սողնակ» (1931) բալետի փորձի լուսանկարները: Այդ բալետը չի կարողացել հասնել նույնիսկ մինչև գլխավոր փորձերի մակարդակ:

Հետաքրքիր են «Կարապի լիճ» բալետի առաջին բեմադրության փորագրությունները՝ Վացլավ Ռեյզինգերի բեմադրությամբ: Նշենք, որ այս դեպքում խոսքը վերաբերում է մինչև Մարիուս Պիտիպայի կողմից իրականացված բեմադրությանը:

Ցուցադրանքում կան նյութեր նվիրված Գոգոլի «Ամուսնություն», Ստրավինսկու «Ռուսլան և Լյուդմիլա», Ռոսինիի «Սեվիլյան վարսահարդար», Վերդիի «Տրավիատա» Բիզեի «Կարմեն» և ժամանակին տապալված, իսկ այսօր դասական համարվող էլի մի շարք ստեղծագործությունների բեմադրություններին:

Ավելացնենք, որ ցուցահանդեսը կազմակերպել է Սանկտ-Պետերբուրգի մշակութային ֆորումը:
    Դիտվել է 311 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305>>հաջորդ