Քաղաքակրթական ներուժը կեցության բարձրագույն արժեք է:

Այվազովսկու ցուցահանդեսի տոմսերը վաճառվում են սահմանվածից 3 անգամ ավելի գնով

10.25.2016

Մուսկվայի Տրետյակովյան պատկերասրահում Հովհաննես Այվազովսկու աշխատանքները դիտելու համար վաճառվող տոմսերի շուրջ ծագել է մեծ աղմուկ: Պարզվում է, որ նախատեսված քանակի տոմսերը և նկարները դիտելու ցանկություն ունեցող արվեստագետների քանակության մեջ առաջացել է այնպիսի հսկայական տարբերություն, որ դա պարարտ հող է ստեղծել թանգարանի մուտքի տոմսերը սպեկուլյատիվ գներով վաճառելու համար: Այդ մասին տեղեկացնում է «taglur.am»-ը՝ հղում անելով «ՏԱՍՍ»-ին:

«Այվազովսկու ցուցահանդեսում մեզ մոտ որոշակի հիմնախնդիրներ են առաջացել՝ կապված վերավաճառողների, սպեկուլյանտների հետ»,-հայտարարել է այդ պատկերասրահի տնօրեն Զելֆիրա Տրեգուլովան: Նա պատմել է, որ նույնիսկ մեկ անգամ սպեկուլյանտներից մեկին ինքն անձամբ է բռնել և հանձնել ոստիկաններին, սակայն որոշ ժամանակ անց, այդ նույն սպեկուլյանտը կրկին երևացել է պատկերասրահի շրջակայքում և շարունակել իր անմաքուր բիզնեսը: «Ոստիկանությունը չի ձերբակալում, այլ բաց է թողնում»,- հայտարարել է Տրեգուլովան:

Բացի այդ նշանավոր թանգարանի տնօրենը հայտարարել է, որ Մոսկվայի քաղաքային տոմսարկղերը Այվազովսկու սիրահարներին տոմսերը վաճառել ավելի քան 3 անգամ նշանակած գներից բարձր արժեքով՝ 400-ի փոխարեն՝ 1500 ռուբլով:

Այս օրերին Այվազովսկու նկարների նկատմամբ հետաքրքրության մեծ ալիքի պատճարով, պատկերասրահի ղեկավարությունը նույնիսկ որոշել է նոյեմբերի 1-ին և 8-ին երկարաձգել աշխատանքայի ժամերը:

Ասենք, որ Տրետյակովյան պատկերասրահում այս ցուցադրանքը ի մի է հավաքել մեծ ծովանկարչի հետ առնչվող 200 ցուցանմուշ, որոնց թվում 120 գեղանկար և 55 գրաֆիկական աշխատանքներ, հախճապակյա իրեր, արխիվային փաստաթղթեր, նավերի մանրակերտեր, ծովային նավագնացության գործիքներ: Մասնավորեպես, ցուցահանդեսում ներկայացված են նաև հայ մեծ վարպետի այնպիսի աշխատանքներ, ինչպիսիք են «9-րդ ալիքը», «Կոնստանդնուպոլսի գիշերը լուսնային լուսավորմամբ», «Ալիք» և այլ հայտնի կտավները:

Նախատեսված է, որ ցուցահանդեսը կգործի մինչև 2016թ.-ի նոյեմբերի 20-ը:
    Դիտվել է 281 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418>>հաջորդ