Քաղաքակրթական ներուժը կեցության բարձրագույն արժեք է:

Կատարումը գրանցվել է որպես Գինեսի ռեկորդ, իսկ բնօրինակը ի պահ է տրվել թանգարանին

11.01.2016

Թուրքմենստանում բեմադրվել է «Երկնային գեղեցկություն» վերնագրով ներկայացում՝ ըստ այդ երկրի նախագահ Գուրբանգուլի Բերդիմուհամեդովի թուրքմենական գորգագործությանը և ձեռագործ գորգերին նվիրված գրքի: Երկրի նախագահի մշակութաբանական աշխատանքը պիեսի է վերածել Թուրքմենստանի վաստակավոր ժուռնալիստ Տաչգելդի Գուտլիևը: Այդ մասին տեղեկացնում է «taglur.am»-ը՝ հղում անելով «turkmenportal.com»-ին:

Ներկայացման ռեժիսոր Ուրմատկան Մելյաևան ներկայացումն իրականացրել է Թուրքմենիայի մշակույթի ինստիտուտի դրամայի և կինոյի բաժնի երկրորդ կուրսի ուսանողների հետ:

Ներկայացման պատումը օրգանապես միմյանց է հյուսել բիբլիական առասպելապատումները, ժողովրդական ավանդությունները և գորգագործության մասին անցյալի պատմությունը:

Ավելացնենք, որ նախագահ Գուրբանգուլի Բերդիմուհամեդովի «Երկնային գեղեցկություն» գրքի շնորհանդեսը կայացել է ընթացիկ տարվա մայիս ամսին: Այն լույս է տեսել երեք լեզվով՝ թուրքմեներեն, անգլերեն և ռուսերեն:

Սա գորգերի մասին Թուրքմենիայի նախագահի երկրորդ գիրքն է: Այդ թեմայով իր առաջին գիրքը, որ ունի «Կենդանի լեգենդ» վերնագիրը, նա հրատարակել է 2011թ.-ին:

Նախագահ Գուրբանգուլի Բերդիմուհամեդովի հետազոտական մտքի ընդգրկումները չեն սահմանափակվում միայն գորգագործության ոլորտով: Նա հեղինակել է նաև մի շարք գրքեր առողջապահության, կրթության, բուսաբանության և թեյագործության մասին:

Ընդհանուր առմամբ նախագահ Գուրբանգուլի Բերդիմուհամեդովն իր երկրի շատ ակտիվ հեղինակներից մեկն է: Բավական է նշել, որ միայն 2016թ.-ին նա արդեն հրատարակել է վեց գիրք:

Ի դեպ, օրերս Թուրքմենիայի անկախության 25-ամյակի առթիվ կայացած հանդիսավոր համերգի ժամանակ կատարվեց և բուռն ջերմությամբ ընդունվեց նախագահ Գուրբանգուլի Բերդիմուհամեդովի ևս մեկ ստեղծագործություն: Այս անգամ նա հանդես էր եկել որպես իր երկրի մասին երգի խոսքերի և երաժշտության հեղինակ: Նրա «Առաջ: Միայն առաջ: Իմ հայրենիք՝ Թուրքմենստան» երգ-կոչը տոնակատարության օրը կատարեցին միևնույն վայրում՝ «Թուրքմենին աք օյի» . համերգային համալիրում գտնվող չորս հազար մարդ, որը Գինեսի գրքում գրանցվել է որպես ռեկորդ, իսկ երգի ձեռագիրը ի պահ է տրվել Թուրքմենիայի պետական թանգարանին:
    Դիտվել է 296 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305>>հաջորդ