Քաղաքակրթական ներուժը կեցության բարձրագույն արժեք է:

Չէր ների արտիստին, եթե «նա տանջեր ընտանի կենդանիների»

11.16.2016

Արտիստները հանդիսատեսների սերը նվաճում են ոչ թե իրենց քաղաքական հայտարարություններով և հայացքներով, այլ տաղանդով: Նրանց անունների ընդգրկումն ամենահավանական ու անհավանական «սև ցուցակներում» սխալ է: Այդ մասին հյուրախաղերով Ռիգայում գտնվող Մոսկվայի «Գոգոլ-կենտրոնի» գեղարվեստական ղեկավար Կիրիլ Սերեբրեննիկովի խոսքը փախանցում է «taglur.am»-ը՝ հղում անելով «teatral-online.ru»-ին:

«Դա բացարձակ զառանցանք է: Այդպիսի բան չպետք է լինի: Արտիստներն անզուսպ մարդիկ են: Ինչ-որ մեկը կարող է հիմարություն ասի, գուցե այսօր մեկ տեսակետ է պաշտպանում, վաղը՝ մեկ այլ: Եվ պետք չէ նրանց ընկալել որպես ինչ-որ պետության քաղաքական կամքի առաքյալների: Թույլ է մարդը, և պետք չէ դրա վրա ուշադրություն դարձնել: Արտիստներին իրենց քաղաքական հայտարարությունների համար չէ, որ սիրում են»,- ասել է Սերեբրեննիկովը և ավելացրել, որ միակ բանը, որի համար նա չէր ների արտիստին, եթե «նա տանջեր ընտանի կենդանիների»:

Հիշեցնենք, որ Լատվիայում գործողության մեջ է դրված «Սև ցուցակ» համակարգ, որտեղ ընդգրկված են ռուսաստանցի մի շարք դերասանների (Միխայիլ Պերեչեննիկով, Իվան Օխլոբիստին) անուններ:

2016թ.-ին այդ ցանկում ներառվեց նաև կինոյի ու թատրոնի հայտնի դերասան Դմիտրի Պևցովի անունը: Նոյեմբերին նա Ռիգայում կայացած «Մոսկովյան պրեմիերա Ռիգայում» փառատոնում պետք է ներկայացներ իր նոր ֆիլմը: Սակայն Լատվիայի ՆԳՆ նախարար Ռիխարդ Կոզլովսկիսը լրագրողներին տեղեկացրել է, որ Պևցովի անունը մտցված է «Սև ցուցակում» և նրա մուտքն այդ երկիր արգելված է:
    Դիտվել է 344 անգամ
    <
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173