Քաղաքակրթական ներուժը կեցության բարձրագույն արժեք է:

Դիմակներով կատակերգությունը խաղում են առանց դիմակների

11.22.2016

«Ռուսաստանում միայն պետական թատրոնում է հնարավոր հասնել իրական գեղարվեստական արդյունքի, ամբողջական և լիարժեք իրականացնել սեփական տեսլականը, իդեալում ստեղծել քո սեփական թատերական լեզուն»,-նշել է Սանկտ-Պետերբուրգի «Կատակերգակի ապաստան» թատրոնում վերջերս Նիկոլո Մաքիավելիի «Մանդրագորա» կատակերգությունը բեմադրած ռեժիսոր Իսկանդեր Սակաևը:

Վերածննդի ժամանակաշրջանի փիլիսոփայի և քաղաքական գործչի այս ստեղծագործությունը, որ ժամանակին թարգմանել է Ալեքսանդր Օստրոսկին, աչքի չի ընկնում առանձնահատուկ խորությամբ: Այն առավել շուտ նման է դրամատուրգիական սցենարի և մոտենում է այն տեքստերին, որոնք կոմեդի դել արթում դառնում են հիմք համապատասխան բեմադրության համար և որտեղ շատ պարզունակ սյուժեն գունազարդվում է դերասանի իմպրովիզիացիոն խաղով:

Մաքիավելին այդ պիեսը գրել է 1518 թ.-ին և, ըստ ռեժիսորի, այն ներկա ժամանակների մարդու իրական լինելու պատկերացումներին հարմարեցնելը կամ հոգեբանորեն հավաստի դարձնելը անիմաստ է: Եվ բեմադրության հեղինակը գիտակցաբար ներկայացման մեջ խնդիր է դրել դիմակներով կատակերգությունը խաղալ առանց դիմակների: Իսկ որպես դերասանական էներգիայի գլխավոր արտահայտիչ, նա ներկայացման մեջ շեշտը դնում է մարմնի պլաստիկայի վրա:

Ռեժիսորը նշում է, որ Սանկտ-Պետերբուրգում պետական թատրոնում ներկայացում բեմադրելու հնարավորություն ստանալու համար շատ ջանքեր պետք է գործադրել:

40-ամյա Սակաևը Ռուսաստանի հյուսիսային մայրաքաղաքում իր առաջին բեմադրությունն արել է 9 տարի առաջ՝ Ալեքսանդրինյան թատրոնում: «Մանդրագորան» այստեղի հանդիսատեսին ներկայացվող նրա թվով երկրորդ ներկայացումն է:
    Դիտվել է 429 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308>>հաջորդ