Քաղաքակրթական ներուժը կեցության բարձրագույն արժեք է:

Նախկին 4 քաղաքագլուխները մեղադրվում են թատրոնի 7 աշխատակիցների մահվան մեջ

11.24.2016

Իտալիայի Միլան քաղաքի դատախազությունը քրեական գործ է հարուցել շինարարական կառուցվածքներում օգտագործված ասբեստի պատճառով «Լա Սկալա» թատրոնում 7 աշխատակիցների մահվան կապակցությամբ: Այդ մասին «Neue Zuercher Zeitung.» թերթի տեղեկատվությունը փոխանցում է «taglur.am»-ը՝ հղում անելով «rg.ru»-ին:

1976-1997 թթ.- ընթացքում Միլանի քաղաքագլխի պաշտոնը զբաղեցրած նախկին բարձրաստիճան 4 պաշտոնյաները մեղադրվում են այն բանում, որ հարկ եղած ձևով չեն կատարել դիտորդական ֆունկցիաները և չեն հետևել արտիստների առղջական վիճակին: Արդյունքում բացահայտվել են մեծամասշտաբ չարաշահումներ՝ կապված էժանագին շինանյութ հանդիսացող ասբեստի օգտագործման հետ:

Քրեական գործի վարույթում է ներառվել նաև «Լա Սկալայի» տնտեսական մասով նախկին պատասխանատու (ինտենտադ) Կառլո Ֆոնտանան, և տեխնիկական տնօրենները: Ընդհանուր առմամբ քննության տակ են հայտնվել 11 պաշտոնյաններ:
Դատախազությունը պարզել է, որ մեծ քանակությամբ ասբեստ է օգտագործվել թատրոնի շենքի ծածկերի ջերմամեկուսացման նպատակով: Հենց այս նյութի գործվածքի քայքայման հետևանքով արտազատվող վնասակար բաղադրամասերի առաջացրած հիվանդություններից էլ մահացել են թատրոնի աշխատակիցները, որոնց թվում նաև երգչուհի Էդիթ Մարթելլին:

Նշենք, որ «Լա Սկալայում» 2002-2004 թվականներին իրականացված վերանորոգումից հետո բոլոր տեսակի ծածկերից ասբեստը հեռացվել է:
    Դիտվել է 328 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173