Քաղաքակրթական ներուժը կեցության բարձրագույն արժեք է:

«Իմ թատրոն Արագածավան» - ի ներառական թատերախումբը հրավիրում է

11.28.2016


Հայաստանի մանուկներ հիմնադրամի «Իմ թատրոն Արագածավան» - ի ներառական թատերախումբը 2016թ.դեկտեմբերի 3- ին, ժամը 14:00-ին,Երևանի Կամերային պետական թատրոնում կներկայացնի «Օզի հրաշագործը» բեմադրությունը՝ ըստ Լայմեն Ֆրենք Բաումի համանուն վիպակի:

Լայմեն Ֆրենք Բաումը ծնվել է 1856 թվականի մայիսի 15-ին ԱՄՆ-ի Նյու-Յորք նահանգի Չիթթենանթո քաղաքում : 2016 թ.-ն այս հրաշալի մանկագրի համար հոբելյանական է, քանի որ լրանում է Օզ երկիրը ստեղծած և երբեք մանկական աշխարհին հրաժեշտ չտված գրողի 160-ամյակը:

Լայմեն Ֆրենք Բաումը սկսել է գրել վաղ մանկությունից: Նրա գրվածքներն այնքան են դուր եկել իր հայրիկին, որ նա երեխաների համար գնում է տպագրական խաղալիք- հաստոց, որով Լայմենը իր եղբայր Ֆրենքի հետ սկսում է հանդես հրապարակել: Այդ հանդեսը կոչվում էր «Ռոզ Լոունի տնային հանդես» և, ինչպես կարծում են շատերը, նույնիսկ վաճառվել է:

Բաումը շատ է եղել հրապուրված նաև թատերական աշխարհով: Հետաքրքիր և մեծ կյանքի մեծ փորձությունների միջով անցնելուց հետո, նա, ի վերջո դառնում է դերասան և մի թատերական խմբակի կազմում հանդես է գալիս ամերիկացի ֆերմերների, անտառահատների, նավթահորերում աշխատող բանվորների համար:

Հետո, էլի որոշ ժամանակ անց, կյանքի փորձով ավելի հարստացած և մանկության սեփական մոլորակին հրաժեշտ չտված Լայմեն Ֆրենք Բաումը որոշում է ավելի լուրջ զբաղվել այդ մոլորակի պատմության նկարագրությամբ և կրկին սկսում է գրել....

Եվ սկսվում է «Օզ» երկրի հրաշապատումը, որն էլ նոյեմբերի 3-ին իր վարագույրները կբացի նաև Երևանի Կամերային պետական թատրոնում ՝ հայ մանուկների համար:
    Դիտվել է 315 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306>>հաջորդ