Քաղաքակրթական ներուժը կեցության բարձրագույն արժեք է:

Թատրոններին գումարներ հատկացնելու կարծրատիպը հունվարի 1-ից կկազմաքանդվի

12.12.2016


Դեկտեմբերի 8-ին Մոսկվայում կայացել է մոսկովյան թատրոնների ղեկավարների հանդիպումը մշակույթի դեպարտամենտի ղեկավարության հետ, որտեղ ազդարարվեել է քաղաքային իշխանությունների կողմից իրականացվելիք Նոր տնտեսական քաղաքականության (НЭП)-ի անցնելու մասին: Այդ մասին տեղեկացնում է «taglur.am»-ը՝ հղում անելով «teatral-online.ru»-ին:

Հանդիպման ժամանակ նշվել է, որ ինչպես նախկինում, այսուհետ ևս Մոսկվան թատրոնների վրա տարեկան կծախսվի 8,5 մլրդ ռուբլի: Սակայն ֆինանսավորման համակարգը արմատականորեն կփոխվի:

Այսուհետ թատրոնների ֆինանսավորումը կիրականացվի միասնական համակարգով, որտեղ հաշվի կառնվեն ամենատարբեր գործոնները՝ սկսած դահլիճի նստատեղերի քանակից, մինչև մակերեսը, թատրոնի ժանրային պատկանելությունից (մանկական, երաժշտական կամ դրամատիկական թատրոն) մինչև տարեկան խաղացած ներկայացումների թիվը:

Հանդիպման մասնակիցները եկել են համաձայնության, որ թատրոնների աշխատած գումարները կմնան նրանց հաշվեկշռում՝ սեփական աշխատակիցներին խրախուսելու նպատակով:

Ասենք, որ մինչև այս հանդիպման կայացումը բյուջեի փողերը թատրոններին էին հատկացվում կամ իներցիայով (ինչպես դա արվել է վաղուց ի վեր) առանց որևէ կերպ հաշվի առնելու այն հանգամանքը, որ թատրոնն արդեն թառամել է կամ, ընդհակառակը, ծաղկել:

Փողերն ինչպես հատկացվել են, այդպես էլ շարունակել են հոսել և, ինչպես միշտ, նկատվում է այն արմատացած սովորույթը, երբ մի թատրոնը հարևաններից շատ ավելի է ստանում, որովհետև գեղարվեստական ղեկավարը կարողանում է անհրաժեշտ աշխատասենյակում արտաբերել անհրաժեշտ բառերը (կամ պարզապես բոլորին ցուցադրել ծանոթ կիսադեմ) :

Ռուսական իրականության մեջ մատնանշվում է այն փաստը, որ թերթերում թատրոններին պարբերաբար հատկացվող գումարների չափերը պարզապես ցնցում են երևակայությունը իրենց անհամամասնությամբ: Այդ համապատկերում, երբ ֆինանսավորման գումարները կախված չեն ոչ թատրոնի պահանջարկվածության աստիճանից, ոչ նրա բեմի չափերից, ոչ թատերախմբի չափերից, ավելին անելու ոչ մի խթան պարզապես, այլևս չեն մնում:

Դրա արդյունքում արձանագրվում է այն գորշ իրողությունը, որ ռուսական թատրոնների ղեկավարները պարզապես երկար տարիների ընթացքում արդեն վարժվել են այն բանին, որ փողերը պետք է «պոկել», այլ ոչ թե վաստակել:

Ֆինանսների տնօրինման նոր համակարգը նպատակ ունի քանդել ժամանակի ընթացքում ամրացած հենց այդ կարծրատիպը:

Այն ուժի մեջ կմտնի 2017թ.-ի հունվարի 1-ից:
    Դիտվել է 364 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306>>հաջորդ