Քաղաքակրթական ներուժը կեցության բարձրագույն արժեք է:

Պատերազմի թեման տեղափոխվել է պրոֆեսիոնալ հարթակ

12.14.2016


Մոսկվայի Մալայա Բրոննայա թատրոնի փոքր բեմում այսօր կներկայացնեն «Իշխանուհի Մարյա» ներկայացումը՝ ըստ Լև Տոլստոյի «Պատերազմ և խաղաղություն» վեպի: Այդ մասին տեղեկացնում է «taglur.am»-ը՝ հղում անելով «tvkultura.ru»-ին:

Ռեժիսոր Սերգեյ Պոսելսկիի այս աշխատանքը, որ իրականացվել է ուսումնական բեմում ստեղծված և երեք տարի շարունակ ցուցադրված դիպլոմային բեմադրության հիման վրա, ներկայացնում է հայտնի վեպի մի քանի դրվագներ: Դրանք հիմնականում արտացոլում են Տոլստոյի նկարագրած տեսարանների վրա վեպի հերոսուհիներից մեկի՝ իշխանուհի Մարյա Բոլկոնսկայայի դիտանկյունը:

Դերակատարները հիմնակնում ուսանողական թատրոնից Մալայա Բրոննայա թատրոնում աշխատանքի անցած երիտասարդ դերասաններն են, որոնք իրենց հաջողված աշխատանքը շարունակում են ցուցադրել արդեն պրոֆեսիոնալ բեմահարթակից:

Խոսելով ներկայացման մեջ ընդգրկված երիտասարդ դերասանների մասին ռեժիսոր Սերգեյ Պոսելսկին նշել է, որ 20 տարեկանը նոր անցած արտիստներն առանց գրիմի և մյուս միջոցներին դիմելու կարողացել են խնդիրը լուծել և մարմնավորել Տոլստոյի նկարագրած հեռավոր ժամանակների հերոսներին:

Խաղալ 19-րդ դարի կերպարները ջինսե տաբաթով ու կիսաշրջազգեստով հեշտ խնդիր չէ: Սակայն դա էպատաժի համար արված ռեժիսորական հնարք չէ, այլ պայմանականություն և ոճ:

Իսկ թե ինչու՞ է գլխավոր հերոս ընտրվել իշխանուհի Բալկոնսկայան, ռեժիսորը հիմնավորում է այն մոտեցմամբ, որ այդ կերպարը ինչ-որ ձևով « միշտ հայտնվում էր գլխավոր կերպարների ստվերում: Այնինչ, նրա միջոցով Լև Նիկոլաևիչը ցանկանում էր շատ բան ասել, ծայրահեղ դեպքում, նա այդ հերոսուհուն ստեղծել էր իր մոր կերպարից, որը մահացել էր, երբ Լև Նիկոլաևիչը 2 տարեկան էր: Նա ոչինչ չէր հիշում: Սակայն սիրո և կանացիության այդ իդեալը նրա մեջ պահպանվում էր,- նշել է Պոսելսկին:

Իսկ դերասանուհի Յուլիանա Սոպոլևան ընդգծել է, որ իրենց նպատակը եղել է պատերազմը կնոջ աչքերով ներկայացնելը: Ինչպե՞ս է այդ ամենը երևում նրա տեսանկյունից: Իշխանուհի Մարյան ասում է. «Ես չէի հասկանում պատերազմի նշանակությունը»: Եվ ընդհանրապես, ինչու՞ են մարդիկ անցնում հսկայական տարածություններ, որպեսզի սպանեն իրենց նմաններին:

    Դիտվել է 271 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309>>հաջորդ