Քաղաքակրթական ներուժը կեցության բարձրագույն արժեք է:

Կոնչալովսկին այն ռեժիսորն է, որը շուկայում արդեն զբաղեցրել է իր տեղը

12.15.2016

Ռուսաստանցի հայտնի ռեժիսոր Անդրեյ Կոնչալովսկին, ում նկարահանած վերջին «Դրախտ» ֆիլմը ներկայացվել է ամերիկյան կինոակադեմիայի «Օսկար» մրցանակին՝ «Օտար լեզվով նկարահանված արտասահմանյան ֆիլմ» անվանակարգում, հայտարարել է, որ այդ արձանիկի համար պայքար «ծիծաղելի» է:

«Ես ինձ թույլ եմ տալիս չմտածել «Օսկարի» մասին»: «Օսկարի» համար պայքարի մասին՝ դա ծիծաղելի է»,-ասել է Կոնչալովսկին: Այդ մասին տեղեկացնում է «taglur.am»-ը՝ հղում անելով «РИА новости»-ին:

Ասենք որ այս կինոնկարը ներկայացվել էր նաև «Ոսկե գլոբուս» մրցանակի, սակայն չընդգրկվելով հավակնորդների կարճ ցուցակում, դուրս է մնացել հետագա պայքարից:

Կոնչալովսկին նկատել է, որ կինոյում ազատության կարող է հասնել «Խելագարը կամ էլ այն մարդը, որն այդ շուկայում արդեն զբաղեցրել է իր տեղը՝ բոլորին իր արմունկներով հրմշտելուց հետո»:

Որպես օրինակ նա նշել է իրեն:

Կոնչալովսկին կինոյում աշխատում է արդեն 50 տարի և հասկացել է, որ ազատության հասնելը շատ բարդ է և դրա համար պետք է պայքարել:

«Դրախտ» ֆիլմը նա նկարահանել է սև-սպիտակ ձևաչափով: Այն պատմում է այն մարդկանց մասին, որոնց ճակատագրերը խաչվում են 2-րդ համաշխարհային պատերազմի տարիներին: Ֆիլմի գործողությունները հիմնականում ծավալվում են ֆաշիստական համակենտրոնացման ճամբարում: Գլխավոր հերոսները ֆրանսիական դիմադրության շարժմանն անդամագրված ռուս էմիգրանտուհի Օլգան է, ֆրանսիացի Ժյուլը և էսէսական սպա Հելմուտը:

Այդ ֆիլմի պրեմիերան կայացել է Վենետիկի 73-րդ միջազգային կինոփառատոնում և լավագույն ռեժիսորական աշխատանքի համար արժանացել «Արծաթե առյուծ» մրցանակի:



Որոնման համակարգում այս թեմայով այլ նյութերի բանալի բառը ՝ Կոնչալովսկի

    Դիտվել է 323 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187