Քաղաքակրթական ներուժը կեցության բարձրագույն արժեք է:

Վախճանվել է «ֆրանսիական կինոյի գլխավոր արտիստուհի» Միշել Մորգանը

12.21.2016


«Ֆրանսիական կինոյի ամենագեղեցիկ աչքերը հավերժ փակվեցին»: Այս խոսքերով երեքշաբթի օրը հարազատները լրատվամիջոցներին հայտնեցին 96-ամյա աշխարհահռչակ դերասանուհի Միշել Մորգանի մահվան մասին:

Հոգեհանգիստը կկայանա ուրբաթ օրը, Փարիզի Նեյի-սյուր-սեն արվարձանի եկեղեցում: Միշել Մորգանը կհուղարկավորվի նույն օրը՝ Մոնպառնասի գերեզմանոցի իրենց ընտանեկան գերեզմանատանը:

Նա նկարահանվել է 65 ֆիլմերում : Փառքը նրան գտել է 18 տարեկան հասակում, երբ 1938թ.-ին նկարահանվեց Մարսել Կարնեի «Մշուշների ափը» ֆիլմում: 26 տարեկանում «Կնոջ լավագույն դերակատար»անվանակարգում արժանացել է Կանի միջազգային կինոփառատոնի մրցանակին: Ֆրանսիացի կինոսիրողները բազմիցս նրան ճանաչել են «տարվա ամենամասսայական դերասանուհի»:

«Ավելի քան կես դար Միշել Մորգանը եղել է ֆրանսիական կինոյի գլխավոր արտիստուհին» ,-ասել է նշանավոր ռեժիսոր Քլոդ Լելուշը, ով 1975 թ.ին արտիստուհուն նկարահանել է «Կատուն և մուկը» ֆիլմում:

1980-ականներից դերասանուհին դադարել է նկարահանվել և սկսել է զբաղվել գեղանկարչությամբ, խաղացել է թատրոնում:

Ֆրանսիան բարձր է գնահատել Մորգանի վաստակը: Նա այդ երկրի բարձրագույն՝ Պատվո լեգիոնի շքանշանակիր է: Բացի այդ 1992 թ.-ին արժանացել ֆրանսիական կինոյի բարձրագույն «Սեզար» մրցանակին: Նրա անունով աստղ կա Հոլլիվուդի Փառքի ճեմուղում:

«Միշել Մորգանը էլեգանտության, հմայքի, լեգենդի մարմնացում է եղել շատ սերունդների համար»,- իր ցավակցական խոսքում նշել է Ֆրանսիայի նախագահ Ֆրանսուա Օլանդը:
    Դիտվել է 242 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418>>հաջորդ