Քաղաքակրթական ներուժը կեցության բարձրագույն արժեք է:

Թատրոնները 1 րոպե լռությամբ կհարգեն աղետի զոհերի հիշատակը

12.26.2016

Ռուսաստանի առաջատար թատրոններում այսօրվա ներկայացումներն սկսելուց առաջ մեկ րոպե լռությամբ կհարգեն նախորեին Սոչի քաղաքի մոտ Ту-154 ինքնաթիռի աղետի հետևանքով զոհվածների հիշատակը: Այդ մասին տեղեկացնում է «taglur.am»-ը՝ հղում անելով «ՏԱՍՍ»-ին:

Հիշեցնենք, որ աղետի հետևանքով զոհված 92 մարդուց 65-ը Ռուսական բանակի Ալեքսանդրովի անվան երգի և պարի ակադեմիական անսամբլի արտիստներ էին, 8-ը՝ օդանավի անձնակազմի անդամներ, մնացածը՝ տարբեր առաքելությամբ գործուղման մեկնած պետական, հասարակական կազմակերպությունների ներկայացուցիչներ և լրագրողներ:

Օդանավը մեկնում էր Սիրիա:

Դեկտեմբերի 25-ին, Մոսկվայի ժամանակով առավոտյան ժամը 5.40-ին ՌԴ Պաշտպանության նախարարությունը հաղորդագրություն տարածեց այն մասին, որ ռադարների էկրանից անհայտացել է Ադլերից թռիչքի մեկնարկած Ту-154 ինքնաթիռը:

Հաղորդագության մեջ նաև ասվում էր, որ ինքնաթիռի բեկորները հայտնաբերվել են Սոչի քաղաքի սևծովյան ափերից 1,5 կմ հեռավորությամբ՝ 50-70 մետր խորության վրա:

Ընդհանուր առմամբ ինքնաթիռում եղել է 84 ուղևոր և անձնակազմի 8 անդամները:

Այսօր ՝ դեկտեմբերի 26-ին, Ռուսաստանում հայտարարվել է սգո օր:
    Դիտվել է 605 անգամ