Քաղաքակրթական ներուժը կեցության բարձրագույն արժեք է:

Պրեմիերայից առաջ ֆիլմը համացանցում տեղադրողները կպատժվեն

12.28.2016

Ռուսական «Վիկինգ» պատմական բլոկբաստերի պրեմիերայից առաջ «Ռոսկոմնադզոր» կազմակերպությունը խոստացել է արգելափակել համացանցի բոլոր այն կայքերը, որոնցում կհայտնվեն այդ ֆիլմի ծովահենային օրինակներ: Այդ մասին տեղեկացնում է «taglur.am»-ը՝ հղում անելով «rkn.gov.ru»-ին:

Այդ նպատակով «Ռոսկոմնադզորը» ոլորտային մասնակցի իրավատիրոջ հետ միասին մշակել է միջոցառումների համակարգ, որն ուղղված է համացանցում այդ ֆիլմի ծովահենային կրկնօրինակների տարածման դեմ:

Ռուսաստանի դաշնության «հակածովահենային» օրենքի շրջանակներում «Վիկինգ» ֆիլմն անօրինական տարածող կայքերը կարգելափակվեն երկրի տարածքում: Բացի այդ, պայմանավորվածություն է ձեռք բերվել նաև որոնողական համակարգերի առաջատար օպերատորների հետ՝ այդ ֆիլմի հղումները այլ կայքերի որոնման համակարգերից հեռացնելու մասին:
Ֆիլմի պրեմիերայի նախօրեին ֆիլմի իրավատերը ակտիվ մոնիտորինգ կանցկացնի համացանցային էջերում, տեսահոսթինգներում, սոցիալական համացանցի խմբերում և մոբիլ ներդիրներում, որոնցում կհայտնաբերվեն այդ ֆիլմի ծովահենային կրկնօրինակները:

Ոլորտային լրատվամիջոցը նաև տեղեկացնում է, որ ընկերությունների «Group IB» խումբը օժանդակություն է խոստացել այն անձերին բացահայտելու ուղղությամբ, ովքեր անմիջապես մասնակցել են ֆիլմի ծովահենային օրինակների տարածմանը համացանցում: Այնուհետև տեղեկատվությունը քննելու նպատակով կփոխանցվի Ռուսաստանի Ներքին գործերի նախարարություն՝ ծովահենության մեջ կասկածվող համապատասխան քաղաքացիներին օրենքով նախատեսված ձևերով պատասխանատվության ենթարկելու նպատակով, որը չի բացառում նաև քրեական պատասխանատվությունը:

Ավելացնենք, որ «Վիկինգ» ֆիլմի պրեմիերայով Ռուսաստանում պաշտոնապես փակվում է ռուսական կինոյի անցած մեկ տարին:

Տեսանյութեր

Դիտվել է 399 անգամ