Քաղաքակրթական ներուժը կեցության բարձրագույն արժեք է:

Թատրոնը նշում է «Կարապի լիճը» բալետի 140 ամյակը

01.12.2017

Այսօր Ռուսաստանի Մոծ թատրոնում նշում են լեգենդար «Կարապի լիճը» բալետի 140 ամյակը: Այդ մասին տեղեկացնում է «taglur.am»-ը՝ հղում անելով «РИА новости»-ին:

Որպես բալետային ներկայացման գլուխգործոց «Կարապի լիճը» պատմության մեջ է մտել ֆրանսիացի և ռուս խորեոգրաֆներ Մարիուս Պիտիպայի և Լև Իվանովի Պետերբուրգի Մարինյան թատրոնում պատրաստած բեմադրությամբ:

Սակայն, ընդհանրապես, Չայկովսկու ստեղծագործությունը առաջին անգամ ներկայացվել է Մեծ թատրոնի բեմահարթակում՝ 1877թ.-ի փետրվարի 20-ին, Վացլավ Ռեյզինգերի բեմադրությամբ:

Այսօրվա հոբելյանական ներկայացման մեջ Օդետա-Օդիլլիայի պարտիան կկատարի Մեծ թատրոնի մենապարուհի Եկատերինա Կրիսանովան: «Յուրաքանչյուր պարուհի ձգտում է հանդես գալ Օդետա-Օդիլլիայի դերով: «Կարապների թագուհու» պարտիան շատ բարդ է, պահանջում է մեծ նվիրում և բոլորին չէ, որ ենթարկվում է: Նույնիսկ ոչ բոլոր պարուհիներն են հանձն առնում այն, իսկ երբեմն էլ մեկ անգամ պարելուց հետո չեն վերադառնում նրան»,-ասել է Կրիսանովան, որը իր իսկ խոստովանությամբ Օդետա-Օդիլլիայի կերպարը կատարում է «շատ վաղուցվանից»:

Արտիստուհին նաև հիշել է անցյալի այն պարուհիներին, որոնք մարմնավորել են կարապների թագուհու կերպարները և նոր ու հարուստ երանգներ հաղորդել այս բեմադրության տարեգրությանը՝ Մայա Պլիսեցկայա, Նատալյա Մակարովա, Սվետլանա Ադիրխաևա և ուրիշներ:
    Դիտվել է 252 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305>>հաջորդ