Քաղաքակրթական ներուժը կեցության բարձրագույն արժեք է:

Սառը պատերազմի ժամանակների սեռական- լրտեսական գործը վերածվել է մյուզիքլի

10.16.2013


Դեկտեմբերին Լոնդոնում կբեմադրվի սառը պատերազմի ժամանակների աղմուկ հանած և Մեծ Բրիտանիայի բարձր հասարակությանը խայտառակած լրտեսական «Փրոֆյումոյի գործի» մոտիներով գրված Էնդրյու Լլոյդ Ուեբբերի «Սթիվեն Ուորդ» նոր մյուզքլը: Դա մի սկանդալային պատմության է, որի հետևանքով բացահայտվեց բրիտանական վերնախավի դեկադենտական կյանքի ոճը, «newsru.com»-ի փոխանցմամբ հաղորդում է «NEWSru Israel»-ը` հղում անելով կոմպոզիտորի պաշտոնական կայքին:

Պատմությունը, որի շուրջ կառուցվել է մյուզիքլը, տեղի է ունեցել 1963թ.-ին, երբ Մեծ Բրիտանիայի պաշտպանության նախարար Ջոն Փրոֆյումոն մեղադրվեց սովետական դեսպանության ծովային կցորդի լավ ծանոթ, ֆոտոմոդել Քրիստին Քիլերի հետ ինտիմ կաապեր ունենալու մեջ: Այս բացահայտման հետևանքով նախարարը հրաժարական տվեց:

Մյուզիքլի գլխավոր հերոսը բժիշկ Սթիվեն Ուորդն է, ով հայտնի է այն բանով, որ նրա հիվանդների թվում էին այնպիսի անհատականություններ, ինչպիսիք էին Գանդին և Ուինսթոն Չերչիլը: Նա ազատ ժամերին նկարում էր թագավորական ընտանիքի անդամների դիմանկարները, իսկ գիշերներն արիստոկրատների հետ զվարճանում էր վարիետեյի աղջիկների հետ:

Ուորդը սկզբում ֆոտոմոդել Քրիստին Քիլերին ծանոթացրեց պաշտպանության նախարարի հետ, իսկ հետո նրան տարավ սովետական դեսպանության ռազմածովային կցորդ Եվգենի Իվանովի մոտ, ում բրիտանական հակահետախուզությունը կասկածում էր հատուկ ծառայությունների աշխատակից լինելու մեջ:

Չնայած լրտեսության որևէ փաստ չհայտնաբերվեց, Փրոֆյումոն, այնուամենայնիվ, ստիպված եղավ հրաժարական տալ, իսկ բժիշկ Ուորդը կավատություն անելու մեղադրանքով հայտնվեց դատարանի առջև: Դատարանն, ի վերջո, նրան մեղավոր ճանաչեց, և բժիշկը ինքնասպան եղավ:

Ուեբբերը խոստովանել է, որ բրիտանական միջավայրը Ուորդին օգտագործել է որպես քավության նոխազ և ստիպել նրան վճարել սեփական անբարոյական վարքի համար: Մյուզիքլի հեղինակը նշում է, որ հենց դա էլ հանդիսանում է իր ստեղծագործության գլխավոր թեման:

Մյուզիքլի ստեղծմանը օժանդակություն են ցուցաբերել «Փրոֆյումոյի գործի» մասնակից, Ուորդի նախկին սիրուհին` Մէնդի Ռայս-Դևիսը և Քրիստին Քիլերի ընկերուհին: Ինքը` Քրիստին Քիլերը հրաժարվել է մյուզիքլի ստեղծագործական թիմի հետ համագործակցել:

Հիշեցնենք, որ Էնդրյու Լլոյդ Ուեբբերը հանդիսանում է այնպիսի հայտնի մյուզիքլների հեղինակը, ինչպիսիք են «Հիսուս Քրիստոս- գերաստղ»-ը, «Օպերայի ուրվականը», «Կատուները»:
    Դիտվել է 651 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343>>հաջորդ