Քաղաքակրթական ներուժը կեցության բարձրագույն արժեք է:

Պետական թատրոնները այսպիսի աշխատանքներին մասնակցում են ոչ մեծ հաճույքով

02.09.2017

Մոսկվայում երկու օր հետո, փետրվարի 11-ին սկսվելիք միջազզգային թատերական փառատոնը հիմնականում նվիրված կլինի ինքլյուզիվ թատրոնի հնարավորությունների ներկայացմանը: Այդ նպատակով այստեղ են ժամանել թատերախմբեր նաև Իսպանիայից և Ֆրանսիայից: Այսպիսով ռուսական թատրոնները հնարավորություն կունենան այդ թատերական ոճի մեջ իրենց ձեռքբերումները համեմատել նաև օտարերկրյա արտիստների նոր որակների հետ:

Ռուսաստանցի մասնագետները նշում են, որ ինքլյուզիվ թատրոնի ասպարեզն իրենց երկրում առայժմ առավել շատ գրավել է սիրողական թատերական կոլեկտիվներին: Իսկ ահա «իսպանական «Ֆրիշ կոմպանի»-ում և ֆրանսիական «Ազե մուշ»-ում ընդգրկված են պրոֆեսիոնալ դերասաններ»:

Փառատոնի համակարգող Նատալյա Պոպովան ընդգծում է, որ արտասահմանյան թատերախմբերում ներառված որոշակի սահմանափակումներ ունեցող դերասանները նույնպես պրոֆեսիոնալ դերասաններ են:

«Նրանք մասնակցում են փառատոների, մեկնում հյուրախաղերի, վաճառում են տոմսեր, ստանում են հոնորարներ»,- ընդգծել է նա:

Փառատոնի կազմակերպիչները նաև այն կարծիքին են, որ Ռուսաստանի պետական թատրոնները այսպիսի աշխատանքներին մասնակցում են, ոչ մեծ հաճույքով: Սակայն, փորձագետները հավատացնում են, որ միտումն արդեն ձևավորվել է: Եվ պրոֆեսիոնալները և հանդիսատեսներն այստեղ արդեն բացահայտել են իրենց համար հատուկ լեզու և բեմադրությունների յուրահատուկ հնարավորություններ: Նրանք ընդարձակում են ժամանակակից թատրոնի մասին պատկերացումները, և առաջին հերթին պատկերացումները մարդու մասին:

Ասենք, որ մոսկովյան այս յուրահատուկ միջոցառումը անցկացվում է որոշակի առանձնահատկություններով թատերախմբերի «Պրոտետր» փառատոնի շրջանակներում, որը երեք տարի առաջ ընդարձակեց իր շրջանակները և վերածվեց միջազգային թատերական փառատոնի:
    Դիտվել է 245 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306>>հաջորդ