Քաղաքակրթական ներուժը կեցության բարձրագույն արժեք է:

Բեմ է բարձրացվել ռեստորանների երբեմնի հմայքը, աղմուկը, հոտն ու համը

02.14.2017


Սանկտ-Պետերբուրգի Երաժշտական կոմեդիայի թատրոնը դեմքով շրջվել է 20-րդ դարի սկզբներին քաղաքում գործող ռեստորանների կողմը: Այդ մասին տեղեկացնում է «Ռոսիյսկայա գազետան»:

Թատրոնի փոքր բեմ է բարձրացվել «Կաբարե գուրմանների համար» նոր ներկայացումը, որը հանդիսատեսների առջև բացում է էստրադայի փոքր բեմերով պետերբուրգյան ռեստորանների երբեմնի հմայքն, աղմուկը, համադամ ուտելիքների և, անշուշտ, թափանցիկ ապակյա սափորի մեջ ադամանդափայլեր արձակող օղու հոտն ու համը:

Իսկ փոքրիկ էստրադայում ներկայացվում են դրամատիկական տեսարաններ, կարճ պատմություններ, երգ ու պարի համարներ:

Բեմադրության «ճաշացանկում» ռուսական գրականության մեծերի խոսքն ու պատմություններն են՝ Չեխով, Մայակովսկի, Զոշչենկո, Ավերչենկո և անցյալ դարասկզբի երգեր...

Ներկայացման սցենարը հեղինակել է պետերբուրգյան թատրոնի գլխավոր ռեժիսոր Իգոր Կոնյաևը: Նրա համար գրական հիմք են ծառայել ոչ միայն գրչի նշանավոր վարպետների գործերը, այլև երաժշտությունը և երգերի տեքստերը...

Ի դեպ, մինչև նշանավոր դառնալը, Պետերբուրգի երաժշտական կոմեդիայի թատրոնի շենքի առաջին հարկում գտնվել է «Կաղ Ջո» նշանավոր կաբարեն: Այդ պատճառով, նույնիսկ, թատրոնում խոսում են այն մասին, որ «Կաբարե գուրմանների համար» ներկայացման ի հայտ գալով սկսվում է երաժշտական կոմեդիայի թատրոնի Փոքր բեմի նոր ազդագրի նկարագրի ձևավորումը:
    Դիտվել է 252 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305>>հաջորդ