Քաղաքակրթական ներուժը կեցության բարձրագույն արժեք է:

Բեռլինալե 67-ում հաղթել է հունգարացի կինոռեժիսորի ֆիլմը

02.20.2017

Շաբաթ օրը՝ փետրվարի 18-ին կայացավ Բեռլինի 67-րդ միջազգային կինոփառատոնի հանդիսավոր փակման արարողությունը: Այդ մասին տեղեկատվությունը տարածել է փառատոնի պաշտոնական կայքը, որտեղ տեղ է գտել նաև մրցանակի արժանացած ֆիլմերի և դրանց հեղինակների մասին տեղեկատվությունը:

Գլխավոր մրցանակը՝ «Ոսկե արջը» շնորհվել է հունգարացի ռեժիսոր Իլդիլո Էնյեդիի «Մարմնի և հոգու մասին» կինոնկարին:

Կարճամետրաժ ֆիլմերից նման բարձրագույն մրցանակը շնորհվել է ռեժիսոր և սցենարիստ Դիեգո Կոստա Ամարանտեի «Փոքրիկ քաղաքը» ֆիլմին:

Ֆին ռեժիսոր Ակի Կաուրիսմյակիի «Հույսի հակառակ կողմում» լիամետրաժ կինոնկարին բաժին է հասել Բեռլինալեի «Արծաթե արջ»: Ի դեպ լեգենդար ֆին ռեժիսորը այս փառատոնում կայացած մամլո ասուլիսներից մեկում հայտարարել է, որ ինքը հրաժեշտ է տալիս ռեժիսորական գործունեությանը և անցնում է հանգստի:

Բեռլինյան փառատոնի ժյուրին իր կողմից «Գրան-փրին» շնորհեց ռեժիսոր Ալեն Գոմիսի «Ֆելիսիտե» ֆիլմին, որի գործողությունները կատարվում են Կոնգոյի մայրաքաղաք Քինշասայում: Ֆիլմի սյուժեն այն մասին է, որ հայտնի մի երգչուհի աղետի ենթարկված իր որդու կյանքը փրկելու համար պետք է հավաքի իր երկրում մեծ գումար համարվող 600 դոլար: Սակայն նրան ոչ մեկը օգնության ձեռք չի մեկնում:
    Դիտվել է 155 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374>>հաջորդ