Քաղաքակրթական ներուժը կեցության բարձրագույն արժեք է:

Պե՞տք է որ մանկական թատրոնը իրականացնի դաստիարակչական գործունեություն

03.10.2017

«Պատանի հանդիսատեսի թատրոնները դադարել են բացառապես պատանի հանդիսատեսների համար նախատեսված վայր լինելուց, իսկ «մեծական» թատրոնները իրենց ազդագրերը լրացնում են «մանկական» ներկայացումներով: Երեխաների համար նախատեսված անկախ նախագծերը զարգանում են ավելի ակտիվ, քան ցանկացած այլ ծրագրեր: Եվ այդ ամենը կատարվում է մի իրավիճակում, երբ մանկությունը և մանուկները դադարել են միայն ընտանեկան գործ լինելուց, այլ դարձել են պետական քաղաքակլանության առարկա ոչ միայն այս կամ այն նախագծերին պետական աջակցություն ցուցաբերելու, այլև բարոյականության նկատմամբ հսկողության ձևով»:

Այսպիսի բացատրություն-հիմնավորում է ներկայացվել Մոսկվայի «Ստանիսլավսկի էլեկտրոթատրոնում» առաջիկայում կայանալիք «Երեխաները թատրոնում: Ինչ ենք անում մենք նրանց հետ և ինչ են անում նրանք մեզ հետ» խորագրով քննարկման մասնակիցներին: Այդ մասին «teatral-online.ru»-ի տեղեկատվությունը փոխանցում է «taglur.am»-ը:

Քննարկման շրջանակներում կշոշափվեն, օրինակ, այսպիսի հարցեր. պե՞տք է որ մանկական թատրոնը իրականացնի դաստիարակչական գործունեություն, արդյո՞ք երեխաները հանդիսանում են «ամենապահանջկոտ հանդիսատեսները» և ինչպե՞ս նվաճել նրանց վստահությունը, ո՞վ է ստանձնում ներկայացման տարիքային ցենզը որոշելու գործը՝ պետությունը, ծնողները, մանկավարժները թե՞ հեղինակները, ինչպես նաև թատրոնի հեղինակության հիմնախնդիրը երեխաների համար և այլն:

Ավելացնենք, որ քննարկումը անցկացվում է համառուսական «Ոսկե դիմակ» թատերական մրցանակաբաշխության «Ակադեմիական զրույցներ» նախագծի շրջանակներում:
    Դիտվել է 84 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249>>հաջորդ