Քաղաքակրթական ներուժը կեցության բարձրագույն արժեք է:

Անվանել է «թատրոնը ուժով վերագրավելու գյուտարարներ»

03.20.2017


Ռուսաստանի մասնագիտական շրջանակներում խոսում են թատրոններում գեղարվեստական խորհուրդները վերականգնելու մասին: Այսինքն, կան մարդիկ, որոնք կարծում են, որ թատրոններում նոր նեկայացումներ բեմադրելու մասին որոշումները պետք է կայացվեն այդ խորհուրդների նիստերում: Այդ մասին «teatral-online.ru»-ն սկսել է հրապարակել մասնագետների կարծիքներ, որոնցից մեկը՝ Մոսկվայի պետական թատերական ինստիտուտի դոցենտ, Չեխովի անվան գեղարվեստական թատրոնի հատուկ նախագծերի գծով գեղարվեստական ղեկավար Պավել Ռուդնևի մոտեցումy ներկայացվում է «ԹԱԳԼՈՒՐ»-ի ընթերցողներին:

«Ես կարծում եմ, որ գեղխորհուրդների վերականգնման գաղափարը համատեղելի է միայն պլանային տնտեսությունը վերականգնելու և թատերական օրգանիզմներն ամբողջովին պետական դոտացիայով ապահովելու հետ: Կամ պահանջել աշխատավարձ, կամ՝ գեղխորհուրդներ, չէ, որ այդ երկու առարկանները միմյանց բացառում են»,- նշել է Ռուդնևը:

Կամ տնտեսական դիկտատ և ստեղծագործական ազատություն, կամ գաղափարական դիկտատ և տնտեսական ազատություն, ասել է նա և ավելացրել. «Գեղխորհուրդները կարգելակեն թատրոնի աշխատանքը, նրանք ուղիղ հակադրության մեջ կմտնեն պետպատվերի պրակտիկայի հետ, որոնք հիմա թատրոնները պետք է կատարեն: Գեղխորհուրդները կհարվածեն թատրոնների աշխատանքի ինտենսիվությանը, որը այսօր նրանց գոյատևման գրավականն է»:

Բացի այդ Ռուդնևը «թատրոնը ուժով վերագրավելու գյուտարարներ» է անվանել գեղխորհուրդները վերականգնելու գաղափարի կողմնակիցներին, նշելով, որ նրանք «լավ մոռացել են, թե որքան են տառապել գեղխորհուրդների պատճառով Ռուսաստանի բոլոր մեծ ռեժիսորները:

Ամփոփելով իր միտքը Ռուդնևը ասել է, որ «եթե մենք ցանկանում ենք կտրուկ կանգնեցնել, համակարգը և ռեժիսորներին հասցնել սրտի տագնապի ու կաթվածի, ապա պետք է մտցնել գեղխորհուրդներ և գրաքննություն:
    Դիտվել է 155 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374>>հաջորդ