Քաղաքակրթական ներուժը կեցության բարձրագույն արժեք է:

Լեգենդար արտիստը 35 տարի շարունակ հանդես է եկել համերգավարի դերում

03.21.2017


Այսօր, մարտի 21-ին, տիկնիկային թատրոնների արտիստների միջազգային օրն է: Այն համընկնում է պոեզիայի օրվա հետ: Մոսկվայում, Օբրազցովի անվան կենտրոնական տիկնիկային թատրոնը գրական և թատերական այդ երկու ժանրերի համատեղմամբ կնշանավորի մասնագիտական տոնը: Այդ մասին տեղեկացնում է «taglur.am»-ը՝ հղում անելով շ «puppet.ru»-ին:

«Մենք հավատում ենք, որ տիկնիկային թատրոնը բեմաշխարհում այն է, ինչ պոեզիան գրականության աշխարհում»,- ազդարարել է իր պաշտոնական կայքում թատրոնը և տեղեկացրել, որ երեկոյան Փոքր բեմում կկայանա «Սյունակով գրված բառեր» խորագիրը կրող երեկո, որը կնվիրվի ԽՍՀՄ ժողովրդական արտիստ Զինովի Գերդտի հիշատակին:

Թատրոնն այսօր առաջին անգամ իր ստեղծած Օբրազցովի անվանական պատվավոր արծաթե կրծքանշանով կպարգևատրի աչքի ընկած աշխատակիցներին: Այդ պարգևը հանդիսավորությամբ կհանձվի 16մարդկանց, որոնք արդեն ավելի քան 40 տարի հանդիսանում են այս կոլեկտիվի անդամներ:

Իր գիտակցական կյանքի 40 տարիներն էր օբրազցովյան տիկնիկային թատրոնին նվիրել նաև լեգենդար դերասան Զինովի Գերդտը, ում 101 ամյակն է նշվում այս տարի: Ասենք , որ այդ մեծահամաբավ դերասանը ավելի քան 35 տարի, սկսած 1947 թ.-ից Օբրազցովի նշանավոր «Անսովոր համերգ» տիկնիկային ներկայացման մեջ կատարել է համերգավարի դերը:

Այդ ներկայացումը ցուցադրվել է գրեթե ողջ աշխարհում և ամենուր Գերդտի համերգավարը հանդիսատեսի հետ հաղորդակցվել է տվյալ ժողովրդի մայրենի լեզվով:

Տոնական հանդիսավոր երեկույթին Օբրազցովի անվան թատրոնի հարկի տակ կհավաքվեն նաև Ռուսաստանի մայրաքաղաքի և մերձմոսկվայի տարբեր տիկնիկային թատրոններից ժամանած հյուրեր:
    Դիտվել է 87 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249>>հաջորդ