Քաղաքակրթական ներուժը կեցության բարձրագույն արժեք է:

Ա. Սակուրովը կոչ է արել լսել ուսանողներին ու դպրոցականներին

03.29.2017


Նախօրեին՝ մարտի 28-ին, Մոսկվայի Մոսսովետի անվան թատրոնում կայացել է Ռուսաստանի կինեմատոգրաֆիական արվեստների «Նիկա» մրցանակաբաշխության հանդիսավոր արարողությունը:

Լավագույն ֆիլմ և լավագույն ռեժիսոր անվանակարգերում հաղթող է ճանաչվել «Դրախտ» գեղարվեստական կինոնկարի հեղինակ Անդրեյ Կոնչալովսկին:

«Միկա-2017»-ն աչքի է ընկել ոչ միայն հաջողված կինեմատոգրաֆիական աշխատանքներին և դրանք ստեղծող մարդկանց հունական հաղթանակի աստվածուհուն պատկերող արձանիկներ շնորհելով, այլև մրցանակակիրների կողմից բարձրաձայնված քաղաքական հայտարարություններով, որոնցից շատերը կիրակի օրը Ռուսաստանի բազմաթիվ քաղաքներում տեղ գտած հակակոռուպցիոն ժողովրդական ընդվզումների ուղղակի արձագանքներն էին:

Մրցանակակիր արվեստագետները կոչ էին անում երկրի իշխանություններին ականջալուր լինել Մոսկվայի և երկրի մյուս քաղաքների հասարակական վայրերում բողոքի ելած մարդկանց և արդարություն էին պահանջում քաղաքական հայացքների համար անազատության մեջ հայտնված քաղաքացիների հարցում:

«Նիկա-2017»-ի արժանացավ նաև կյանքի օրոք լեգենդար դարձած և իր անհաշտ քաղաքացիական կեցվածքով միշտ առանձնացող կինոռեժիսոր Ալեքսանդր Սակուրովը: Այս անգամ ևս նա իր շնորհակալական խոսքում հիշեց ռուսական բանտարկության մեջ գտնվող ուկրաինացի կինոռեժիսոր Օլեգ Սենցովին և նշեց հակակոռուպցիոն բողոքի ալիքում գերակշիռ թիվ կազմող երիտասարդների նկատմամբ պետության կողմից իրականացվող ընտանեվարության ոչ ճիշտ լինելու հանգամանքը:

«Չի կարելի քաղաքացիական պատերազմ սկսել ուսանողների ու դպրոցականների մեջ» ,- նշել է իր խոսքում Սակուրովը և ընդգծել, որ հարկավոր է նրանց լսել: Նա նաև կոչ է արել Ռուսաստանցի օրենսդիրներին չխրախուսել բողոքի ցույցին մասնակցած կանանց նկատմամբ կիրառվող բռնությունները:

Ավելացնենք, որ Ալեքսանդր Սակուրովը արժանացել է «Նիկայի» «Պատիվ և արժանապատվություն» անվանակարգում:
    Դիտվել է 205 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431>>հաջորդ