Քաղաքակրթական ներուժը կեցության բարձրագույն արժեք է:

Մահացել է Օփ-Արթի հիմնադիր Ջուլիան Սթանչաքը

03.29.2017


ԱՄՆ-ում, Օհայո նահանգի Սեվն Հիլս բնակավայրի իր տանը 88 տարեկան հասակում մահացել է նկարիչ, Օփ-Արթի հիմնադիր Ջուլիան Սթանչաքը: Այդ մասին «Artnet» լրատվական կայքին հղում անելով տեղեկացնում է «lenta.ru»-ն:

Նա արվեստի իր ստեղծած նոր ուղղությունը հանրությանը ներկայացրել է 1964 թ.-ին Optical Paintings ցուցահանդեսում: Դրանից հետո ժամանակակից արվեստի մակարդակներում նրա ներկայացրած աշխատանքները հիշատակվել ԵՆ Օփ-Արթ եզրույթով, որը հիմնականում պատկերները մատուցելիս հենվում է օպտիկական պատրանքների վրա:

Արվեստի այս ուղղությունը համարվում է աբստրակցիոնիզմի ենթատեսակ: Ասենք, որ Ջուլիան Սթանչաքի գործերը ցուցադրվում են այնպիսի հեղինակավոր սրահներում, ինչպիսիք են Նյու-Յորքի ևՍան Ֆրանցիսկոյի ժամանակակից արվեստի և Մետրոպոլիտեն թանգարանները:

Օփ-Արթի լավագույն ներկայացուցիչներից են նաև Բրիջիդ Ռայլին, Մաուրից Քոռնելիս էշերը և Վիկտոր Վազարելին:
    Դիտվել է 660 անգամ