Քաղաքակրթական ներուժը կեցության բարձրագույն արժեք է:

Շատերն այսօր էլ օգտվում են մեծ կինոռեժիսորի կերպարային համակարգերից

04.04.2017

Ռուսական դասական կինեմատոգրաֆիայի խոշորագույն դեմքերից մեկի, Անդրեյ Տարկովսկու նկարահանած «Իվանի մանկությունը» ֆիլմը իրական դրամատիկական պատմություն է, որը հասկանալի է յուրաքանչյուր հանդիսատեսի: Այսպես է բնորոշել հայտնի դասական ֆիլմը այսօր ռուսական կինոարդյունաբերության մեջ արդեն իր ներկայությունը հաստատած ազգությամբ հայ, երիտասարդ կինոռեժիսոր Սարիկ Անդրեասյանը: Այդ մասին տեղեկացնում է «taglur.am»-ը՝ հղում անելով «РИА новости»-ին:

«Շատերը գիտեն արթհաուսին իմ յուրահատուկ մոտեցումների մասին և չգիտես ինչու վստահ են, որ ես բացասաբար եմ վերաբերում Տարկովսկու ստեղծագործությանը - նշել է 35-ամյա կինեմատոգրաֆիստը և ենթադրել, որ նման թյուրիմացություն առաջացել է, թերևս այն պատճառով, որ Տարկովսկուն նույնպես շատերը համարում են արթհասուսի հետևորդ:

Սակայն,, իրականում, Սարիկ Անդրեասյանը նշել է որ ինքը Տարկովսկուն համարում է նույնպիսի լեգենդ, ինչպիսիք Էյզենշտեյն ու Կուլեշովն են: «Նարանք փառաբանել են ռուսական կինեմատոգրաֆիան ամբողջ աշխարհում: Մտել են կինոլեզվի բոլոր դասագրքերի մեջ : Եվ մինչև այժմ շատ ժամանակակից ռեժիսորներ օգտվում են մեծ ռեժիսոր Տարկովսկու կերպարային համակարգերից»,- նշել է ազգությամբ հայ ռուսաստանցի կինոռեժիսորը:




Որոնման համակարգում այս թեմայով այլ նյութերի բանալի բառը ՝ սարիկ անդրեասյան
    Դիտվել է 389 անգամ