Քաղաքակրթական ներուժը կեցության բարձրագույն արժեք է:

Կկայանա թատերական գործիչների ասսոցիացիայի հիմնադիր համագումարը

04.07.2017


Սանկտ-Պետերբուրգում նախօրեին՝ ապրիլի 6-ին, մեկնարկել է ԱՊՀ երկրների և Բալթիկայի թատրոնների «Հանդիպումներ Ռուսաստանում» խորագիրը կրող 19-րդ փառատոնը, որի ծրագրում ընդգրկված են «մոտ արտասահմանի» ռուսալեզու թատրոնների բեմադրություններ: Ֆուրումի ընթացքում կկայանա նաև արտասահմանի ռուսական թատերական գործիչների ասսոցիացիայի հիմնադիր համագումարը: Այդ մասին տեղեկացնում է «taglur.am»-ը՝ հղում անելով «therussiantimes.com»-ին:

«Այս իրադարձությունը եզակի հնարավորություն է, որպեսզի այն վերածվի ռուսական մշակույթը արտասահմանում առաջ մղելու և համատեղ միջոցառումների անցկացման կենտրոնացված հարթակի»,- միջոցառման բացման իր ելույթում նշել է ՌԴ մշակույթի նախարար Վլադիմիր Մեդինսկին:

Փառատոնին մասնակցում են հետխորհրդային տարածքի անկախ երկրներում գործող գրեթե բոլոր ռուսական թատրոնները:

Նշենք, որ Ռուսաստանում 20-րդ դարի առաջին երկու տասնամյակների ընթացքում տեղ գտած հեղափոխական իրադարձությունների մեկդարյա պատմությունը այս թատերական ֆորումի գլխավոր թեման է համարվում: Այդ թեմատիկ ընդգրկմամբ մասնակիցների համար Սանկտ-Պետերբուրգի թանգարաններում կկազմակերպվեն էքսկուրսիաներ: Նույնիսկ նախատեսվում է երիտասարդ դերասաններին այդ ժամանակաշրջանին բնորոշ լեզվի, արտահայտչամիջոցների և բեմական խոսքին ծանոթանալու հնարավորության ընձեռում: Իսկ փառատոնը կավարտվի մասնակիցների համատեղ ուժերով Մայակովսկու «Միստերիա բուֆֆ» ստեղծագործության թեմաներով բեմադրության պատրաստմամբ և ցուցադրմամբ:
    Դիտվել է 88 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249>>հաջորդ