Քաղաքակրթական ներուժը կեցության բարձրագույն արժեք է:

Պոռնոաստղը ընդգրկվել է միջազգային կինոմրցույթի ժյուրիի կազմում

04.13.2017


Թուրքական ծագմամբ գերմանացի դերասանուհի Սիբել Կեկելլին ընդգրկվել է Օդեսայում հուլիսին կայանալիք 8-րդ միջազգային կինոմրցույթի ժյուրիի կազմում: Այդ մասին մրցույթի կազմակերպիչների տարածած տեղեկատվությունը փոխանցում է «taglur.am»-ը՝ հղում անելով «newsru.com»-ին:

Տեղեկատվության մեջ նշվում է, որ Կեկելլին իր դեբյուտը կինոյում կատարել է 2004թ.-ին՝ Ֆաթիհ Աքինի «Գլխով պատին» ֆիլմում, որը արժանացել է Բեռլինի միջազգային կինոփառատոնի հաղթողի կոչման, իսկ նա ճանաչվել է կնոջ լավագույն դերակատար:

Սակայն մինչ այդ Սիբել Կեկելլին Դիլարա կեղծանվամբ նկարահանվել էր տասնյակ պոռնոգրաֆիական ֆիլմերում: Այդ հանգամանքը, Աքիմի ֆիլմում նկարահանվելուց հետո , դերասանուհու նկատմամբ հետաքրքրությունը բորբոքել է այն աստիճան, որ տեղի լրատվամիջոցները տարբեր և բազմաթիվ առիթներով անդրադարձել են դերասանուհու անցած ստեղծագործական ճանապարհին:

«Ես երիտասարդ էի և ինձ փող էր հարկավոր»,- ասել է Կեկիլլին և խնդրել լրագրողներին դադարեցնել «կեղտոտ վարկաբեկումը»:

Օդեսայի կինոփառատոնի կազմակերպիչները այսօր նրան ներկայացնում են, որպես հասարակական ակտիվ դիրքորոշում ունեցող և կանանց իրավունքների պաշտպան:

Ի դեպ, ամերիկյան «Գահերի խաղ» հայտնի հեռուստասերիալում նկարահանված Սիբել Կեկելլին այս ֆիլմի դերասանական կազմի միակ ներկայացուցիչը չէ, ով հայտնի է նաև «մեծերի համար նկարահանված» կինոնկարներից: Այսպես, սերիալում մարմնավաճառի դերում հանդես է գալիս բրիտանացի պոռնոաստղ Էլլա Հյուզը: Իսկ Ժոզեֆին Գիլանը, որն այդ կինոնկարում նույնպես հանդես է գալիս մարմնավաճառի դերում, ոչ միայն նկարահանվել է պոռնոֆիլմերում, այլև իրական կյանքում նույնպես զբաղվել է պոռնկությամբ :
    Դիտվել է 295 անգամ