Քաղաքակրթական ներուժը կեցության բարձրագույն արժեք է:

Գրողի և սցենարիստի անվտանգությունը ապահովում է ոստիկանությունը

04.20.2017

Իտալացի գրող և լրագրող Ռոբերտո Սավիանոն, որը 2006թ-ին լույս տեսած և համաշխարհային ճանաչման հասած «Գոմոր» վեպի հեղինակն է, գրում է Լիբիայի բռնապետ Մուամմար Քադդաֆիի կյանքի մասին հեռուստասերիալի սցենար: Այդ մասին «repubblica.it»-ի տեղեկատվությունը փոխանցում է «taglur.am»-ը՝ հղում անելով «newsru.com»-ին:

Այդ սցենարը գրվում է « Entertainment One և Palomar» ընկերության համար, որի ստեղծմանը մասնակցում է նաև ռեժիսոր և սցենարիստ Նադավ Շիրմանը:

Ռոբերտո Սավիանոյի «Գոմոր» վեպը նեապոլիտանական մաֆիայի մասին է, որը թարգմանվել է 42 լեզուներով: Այդ գրքի հիման վրա Մաթթեո Գարրոնեն նկարահանել է համանուն լիամետրաժ ֆիլմ, որը 2008թ.-ին ներկայացվել է «Օսկարի», իսկ 2014 թ.-ին այդ նույն ստեղծագործությունը հանդիսատեսին ներկայացվեց հեռուստասերիալի ձևաչափով:

Քադդաֆիի մասին սերիալում Սավիանոն ներկայացնում է պետության ղեկավարի կյանքը, որը Լիբիան ղեկավարում էր սկսած 1969թ.-ից մինչև իր եղերկան մահը: 2011թ.-ին Քադաֆին սպանվեց իր երկրում՝ ժողովրդական հուզումների ժամանակ:

Ասենք, որ Ռոբերտո Սավիանոն ստեղծագործելուն զուգահեռ զբաղվում է ակտիվ լրագրողական աշխատանքով և համագործակցում է «l՝Espresso» և «La Repubblica» պարբերականների և այնպիսի հայտնի թերթերի հետ, ինչպիսիք են «The Times»-ը, «El Pais»-ը, «The Washington Post»: «Գոմոր» վեպի հրատարակումից հետո նեապոլիտանական մաֆիան վճիռ էր արձակել գրողին մահապտժի ենթարկելու մասին: Դրանից հետո նրա անվտանգությունը ապահովելու գործը ստանձնել է ոստիկանությունը:

Ասենք, որ 2008թ.-ին «Գոմոր» ֆիլմը արժանացավ Կաննի միջազգային կինոփառատոնի գլխավոր մրցանակին: 2010թ.-ին Սավիանոն լույս ընծայեց «Գեղեցկություն և դժողք» գիրքը: Նույն տարում գրողն այդ վեպի համար արժանացավ Եվրոպական գրքի մրցանակի:
    Դիտվել է 223 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432>>հաջորդ