Քաղաքակրթական ներուժը կեցության բարձրագույն արժեք է:

Դիրիժորը ամառանոցի փոխարեն կառուցում է համերգային դահլիճ

04.20.2017


Սանկտ-Պետերբուրգի Մարինյան թատրոնի գեղարվեստական ղեկավար Վալերի Գերգիևը սեփական միջոցներով կառուցում է նոր համերգային դահլիճ: Հռչակավոր թատրոնի այդ նոր դահլիճը աշխարհահռչակ դիրիժորը կառուցում է Ռեպինո ամառանոցային ավանի իրեն հատկացված հողամասում: Այդ մասին հաղորդում է «taglur.am»-ը՝ հղում անելով «dp.ru»-ին:

Այսպիսի օբյեկտի շինարարության համար պահանջվում է 150 մլն ռուբլու ներդրում: Նախատեսվում է, որ այստեղ առաջին համերգները կանցկացվեն արդեն ամռանը:

Մարինյան թատրոնի նոր համերգային դահլիճը, որի կառուցման աշխատանքներն արդեն մոտենում են ավարտին, նախատեսված է 100-150 մարդու համար: Այն Գերգիևը կառուցում է 9,5 հազար քառակուսի մետր մակերես ունեցող իր հողամասում, որը նա երկարաժամկետ վարձակալել էր դեռևս 2005թ.-ին, այնտեղ երկհարկանի ամառանոցային շինություն կառուցելու նպատակով:

Սակայն դիրիժորը իր ծրագրերը փոխել է : Ամառային համերգները կկայանան «Սպիտակ գիշերներ» փառատոնի շրջանակներում:

Հատկանշական է, որ կայքը տեղեկացնում է, որ Մարինյան թատրոնում Ռեպինոյի համերգային դահլիճի մասին ոչինչ չեն լսել:


Որոնման համակարգում այս թեմայով այլ նյութերի բանալի բառը ՝ Գերգիև
    Դիտվել է 370 անգամ