Քաղաքակրթական ներուժը կեցության բարձրագույն արժեք է:

Նշանավոր ռեժիսորը դասական գործը «բացել է հատուկ բանալիով»

05.03.2017


Օրերս Հունգարիայում ավարտվեց Իմրե Մադաչի անվան թատերական միջազգային փառատոնը: Արդեն 4-րդ տարին անցկացվող այս միջոցառման նպատակն է հունգար հանդիսատեսին և թատրոնի մարդկանց ծանոթացնել այլ երկրներում իրականացված լավագույն բեմադրությունների հետ:

19 օր տևողությամբ թատերական ֆորումի ընթացքում Բուդապեշտցի թատերասերներին ցուցադրվեց Իտալիայից, Դանիայից, Մակեդոնիայից, Ռումինիայից, Լատվիայից, Լիտվայից, Ռուսաստանից, Նորվեգիայից և Լեհաստանից ժամանած թատերախմբերի պատրաստած 23 ներկայացում:

Փառատոնում առանձնակի ջերմ ընդունելության է արժանացել Մոսկվայի Վախթանգովի անվան թատրոնում ռեժիսոր Ռիմաս Տումինասի բեմադրած և արդեն լեգենդար համարվող «Եվգենի Օնեգին» ներկայացումը:

Հիշեցնենք, որ Պուշկինի նույնանուն ստեղծագործության տումինասյան ընթերցման համաշխարհային պրեմիերան կայացել է դեռ 2013 թ.-ին, որից հետո այն ցուցադրվել բազմաթիվ երկրներում: Նույնիսկ «Լինքոլն-փառատոնը», որտեղ ցուցադրվում են բացառապես ամերիկյան թատրոնների գործերը, իր ծրագրում 2015թ.-ին հատուկ փոփոխություն կատարեց, այս ներկայացումը Նյու-Յորքում իր հանդիասատեսների ուշադրությանը ներկայացնելու համար:

Բուդապեշտում կայացած փառատոնում Լենսկու դերակատար Վասիլի Սիմոնովի ասելով իրենք «Եվգենի Օնեգին»-ը ներկայացնում են 178-րդ անգամ:

«Այս ներկայացումը պետք է բացել հատուկ բանալիով, ինչպես բարդ երաժշտական արկղիկ»,- ասում է դերասան Ալեքսեյ Կուզնեցովը:

«Եվգենի Օնեգին»-ը ներկայացվել է Հունգարիայի ազգային թատրոնում, որը կառուցվածքով կարելի է նմանեցնել համալսարանական լսարանի: Բազկաթոռները դասավորված են ամֆիթատրոնի պես, շարքերը աստիճանաձև բարձրանում են մեկը մյուսի ետևից: Տեսանելիությունը գերազանց է բոլոր հատվածներից: Ներկայացումը ռուսաստանցիները խաղում էին իրենց մայրենի լեզվով, սակայն համաժամանակյա թարգմանությունը ցանկացողներին հասանելի էր ականջակալներով:

Ներկայացման ընդունելությունը, թե որքան ջերմ է եղել, կարելի է պատկերացնել փառատոնի ղեկավար Աթթիլա Վիդնյանսկու խոսքերից, որը նշել է, որ Հունգարիայում գործողության ինչ որ հատվածում ծափահարությունները ընդունված են օպերետի և բալետի ժամանակ, սական «Եվգենի Օնեգին» ներկայացման ցուցադրությունը այդ ավանդույթի համար նախադեպային հիմքը դրեց նաև թատրոնում:

Ի դեպ, դերասան Սերգեյ Մակավեցկու ասելով որքան որ իրենք խաղում են այս ներկայացումը, արձագանքները միշտ տարբեր են: «Մեզ հիանալի են դիմավորել Լոնդոնում: Թբիլիսիում, ընդհանրապես, խելագարություն էր: Այնպիսի զգացում էր, որ ներկայացման երակազարկը համընկել էր նրանց երակազարկի հետ»:
    Դիտվել է 70 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249>>հաջորդ