Քաղաքակրթական ներուժը կեցության բարձրագույն արժեք է:

Ֆարսի, թե՞ ողբերգության ականատեսներ

05.10.2017

Համաշխարհային գրականության երեք մեծություններ՝ Սերվանտեսը, Միխայիլ Բուլգակովը և Ժակ Պրեվերը մայիսի 15-ին ոգեղեն հանդիպում կունենան Մոսկվայի «Էրմիտաժ» թատրոնում: Այդ հանդիպման համար առիթ է ծառայել սերվանտեսյան հայտնի Դոն Կիխոտը, որի դասական սյուժեն բեմական կերպարների և իրադարձությունների տեսքով կներկայացնի այդ թատրոնի ռեժիսոր Միխայիլ Լևիտինը:

«teatral-online.ru»-ի փոխանցմամբ Լեվիտինը սերվանտեսյան սյուժեն մասնակիորեն լրացրել է Բուլգակովի նույնանուն պիեսի դրվագներով և Պրեվերի բանաստեղծություններով:

«Գալիս է այնպիսի ժամանակ, երբ պետք է բեմադրվի այն, ինչը դու ամենալավը գիտես այդ րոպեին՝ հասակի մասին: Մարդու հանելուկային կյանքի ժամանակը, գուցե և, ամենահետաքրքիրն է, եթե այն ընթանում է արժանապատվորեն: Ինչպես Դոն Կիխոտի դեպքում, որն, արդեն, շարունակվում է ավելի քան 400 տարի: Նա չի ծերանում և չի երիտասարդանում: Նա շատ հարգարժան տարիք ունի: Այդ հասակում նա կարողանում է իրեն դրսևորել որպես փայլուն, համարձակ, գեղեցիկ և բարի երիտասարդ»,- ասում է Միխայիլ Լևիտինը:

«Այս ներկայացումը,- ասում է բեմադրության գլխավոր կերպարը մարմնավորող դերասան Բորիս Ռոմանովը,- մարգինալի զբոսանք է, մարդու, որը գոյություն ունի և իր մեջ է պահում 400 տարվա մշակույթ և, որը դուրս է եկել զբոսանքի մահից առաջ: Նրան հետաքրքրում է, թե ի՞նչ է պատահել մարդկանց հետ, ինչպիսի՞ն է թողնում աշխարհը հեռանալուց առաջ, ու՞մ է հարկավոր Սերվանտեսի «Դոն Կիխոտը: Գուցե այն, ընդհանրապես, որևէ մեկին այլևս պետք չէ՞»:

Ներկայացումը թեև հանդիսատեսին է մատուցում բազմաթիվ դառը իրավիճակներ, միաժամանակ, հագեցած է կոմիկական տեսարաններով: Այս առումով դժվար թե բոլոր հանդիսատեսները կարողանան կողմնորոշվել, իրենք ֆարսի, թե՞ ողբերգության ականատեսներ են:
    Դիտվել է 74 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249>>հաջորդ