Քաղաքակրթական ներուժը կեցության բարձրագույն արժեք է:

Գեղարվեստական ղեկավարը հանդես է գալու որպես վկա

05.24.2017

Մոսկվայի «Գոգոլ կենտրոնում» և նրա գեղարվեստական ղեկավար, ռեժիսոր Կիրիլ Սերեբրեննիկովի նկատամամբ իրականացված քննչական գործողությունները ռուսական թատերական շրջանակներն ընդունել են որպես փաստ և հույս հայտնել, որ ամեն ինչ կընթանա այդ երկրի օրենսդրությանը համապատասխան:

Նախօրեին «Գոգոլ Կենտրոնի դերասանուհի Չուլպան Խամատովան իր գործընկերների անունից հրապարակել է իրավապահ մարմիններին ուղղված գրավոր դիմում : Այնտեղ վստահություն է հայտնվում, որ Կիրիլ Սերեբրեննիկովը բացի ստեղծագործական մասնագիտական գործունեությունը այլ գերակայություններ չի կարող ունենալ: Նա և էլի մի շարք թատերական գործիչներ հույս են հայտնել, որ իրավապահները արագ կկողմնորոշվեն այդ հարցում: Ռեժիսորին իրենց համերաշխությոնն են հայտնել և այդ դիմումի տակ ստորագրել ռուսական բեմարվեստի ժամանակակից շատ հայտնի դեմքեր՝ Մարկ Զախարովը, Եվգենի Միրոնովը և այլք:

Այսօր «Դոժդ» հեռուստալիքը անդրադարձել է «Գոգոլ կենտրոնում» գործող «Ստուդիա-7» միավրման անունով պետությունից ստացված 200 մլն ռուբլու անհայտացման պատմությանը և տեղեկացրել, որ «Գոգոլ կենտրոնի» գեղարվեստական ղեկավար Կիրիլ Սերեբրեննիկովն այդ գործում հանդես է գալու որպես վկա:


Այս թեմայով այլ հղումներ-1



    Դիտվել է 339 անգամ