Քաղաքակրթական ներուժը կեցության բարձրագույն արժեք է:

Դ. Ռոդկին. «Ամեն ինչ պետք է իդեալական ցուցադրվի հենց այսօր և հիմա»

05.29.2017


Մեծ թատրոնի մենապարող Դենիս Ռոդկինի կարծիքով ռուսական բալետը տարբերվում է մյուսներից ոչ միայն բարձր տեխնիկայով, այլև դերասանական վարպետությամբ: Նա նաև նշել է, որ այսօր, սակայն, տեխնիկայով արդեն «դժվար է որևէ մեկին զարմացնել»:
«РИА новости»-ի հետ զրուցելիս նա առանձնացրել է իրենց բալետում հատկապես դերասանական վարպետությունը՝ նշելով, որ «... այստեղ մենք անհասանելի ենք»:

Սակայն Ռոդկինը տեխնիկական և դերասանական բաղադրիչները բալետում տեսնում է միասնության մեջ: «Ռուսական դպրոցը,.. հայտնի է բարձր տեխնիկայով և դերասանական սկզբով»,- ամփոփել է նա:

Մենապարողը նաև խոստովանել է, որ ինքը չի կարող նշել մի մասնագիտություն, որը դժվարությամբ ու բարդությամբ համարժեք լինի պարողի մասնագիտությանը: Թերևս միակ համադրելի ոլորտը այդ հարցով նա համարել է պրոֆեսիոնալ սպորտը: Սակայն սպորտում, նրա կարծիքով դրվածքն այլ է: «Նրանք մի քանի տարի պատրաստվում են, որպեսզի ցուցադրեն իրենց նվաճումները մեկ անգամ: Բայց նրանք ունեն դա փորձելու մի քանի հնարավորություն: Մենք երկրորդ փորձի հնարավորություն չունենք: Ամեն ինչ պետք է իդեալական ցուցադրվի հենց այսօր և հիմա»,- նշել է Ռոդկինը:

Նա նշել է, որ բալետի պարողները նաև, երբեմն, վնասվածք են ստանում: Սակայն երբ բեմ ես բարձրանում, ապա չի կարելի ցույց տալ, որ ինչ-որ տեղդ ցավում է: «Դահլիճում դա որևէ մեկին չի հուզում: Հանդիսատեսները եկել են ներկայացում դիտելու և հաճույք վայելելու գեղեցիկ կատարումից: Եվ մենք իրավունք չունենք հիասթափեցնել նրանց»,- ընդգծել է արտիստը:
    Դիտվել է 54 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249>>հաջորդ