Քաղաքակրթական ներուժը կեցության բարձրագույն արժեք է:

Կարծում էր, որ թատրոնի ռեժիսորը հեղինակ չէ, այլ միայն վերարտադրող...

06.01.2017

Ռուսաստանի քաղաքացիական օրենսգրքում իրականացվել են փոփոխություններ, որոնցով նոր իրավական հարթություն է տեղափոխվել ռեժիսոր-բեմադրիչների իրավունքների օրենսդրական պաշտպանությունը մտավոր սեփականության ոլորտում:

Ըստ փորձագետների, օրենքը զգալիորեն ընդարձակել է բեմադրող ռեժիսորների «հարակից իրավունքները» և դա համարվում է թատերական հանրության համար մեծ հաջողություն: «Մեզ վերջապես հաջողվեց ապացուցել, որ օրենսդրության մեջ պետք է հաշվի առնել և ընդունել թատրոնի յուրահատկությունը»,- նշել է հեղինակային իրավունքի մասնագետ և նոր օրենքը մշակած աշխատանքային խմբի անդամ Մարինա Անդրեյկինանան:

Թատերական ռեժիսորների հեղինակային իրավունքների թեման ծագել է դեռ Մեյերհոլդի ժամանակներում, երբ Եվրոպայում ընդունվում էին այդ մասին այնպիսի հիմնարար փաստաթղթեր, ինչպիսիներից է, օրինակ, 1886թ.-ին ընդունված գրական և գեղարվեստական ստեղծագործությունների պահպանման մասին Բեռնի համաձայնությունը:

Սա հեղինակային իրավունքի պաշտպանության ոլորտում միջազգային փաստաթուղթ է: Այն ժամանակ քննարկումների մասնակիցները բաժանվել էին երկու ճամբարի: Նրանց մի մասը կարծում էր, որ թատրոնի ռեժիսորը հեղինակ չէ, այլ միայն վերարտադրող, մյուսներն էլ կարծում էին, որ, թեև ռեժիսորը հեղինակ է, սակայն, նրա ներդրումը ներկայացման մեջ անհնար է առանձնացնել դերասանի, դրամատուրգի, նկարիչի աշխատանքից և, հետևաբար, չի կարելի ասել, որ նա ինչ-որ բնօրինակ բան է ստեղծել: Այդ պատճառով նրա իրավունքները չէին պաշտպանվում:

Ըստ Մարինա Անդրեյկինանայի, Ռուսաստանում մինչև այս փոփոխությունը, իրավիճակը այնպիսին էր, ինչպես 19-րդ դարում, թեև 20-րեդ դարում ռեժիսորին տրվեցին ինչ-ինչ իրավունքներ, սակայն բեմադրող-ռեժիսորը չուներ իրավունք կենդանի կատարման պարագայում: Նա ուներ նույն իրավունքները, ինչ-որ դերասանը: Նոր օրենքը այժմ կարգավորում է ընդհանրապես բեմադրիչ-ռեժիսորին վերապահովող նորմերը և պաշտպանում նրա աշխատանքի հեղինակային իրավունքները նաև կենդանի կատարման պարագայում:
    Դիտվել է 80 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260>>հաջորդ