Քաղաքակրթական ներուժը կեցության բարձրագույն արժեք է:

Եվրոպայում մեկնարկել է նշանակությամբ 3-րդ թատերական փառատոնը

06.14.2017

Ռումինիայի Սիբիու քաղաքում նախօրեին՝ հունիսի 13-ին, մեկնարկել է Էդինբուրգի և Ավինյոնի հռչակավաոր թատերական ստուգատեսերից հետո Եվրոպայում նշանակությամբ 3-րդը համարվող Սիբիուի փառատոնը: Այն թվով 24-րդն է:

2017թ.-ին թատրոնի այս յուրահատուկ տոնահանդեսին կմասնակցեն թատերական ոլորտի 300 մասնակիցներ, իսկ հանդիսատեսների սպասվող թիվը կանցնի 600 հազարից:

Փառատոնի ծրագրում ընդգրկված է 500 ներկայացում: Բացի այդ կանցկացվեն կոնֆերանսներ, ցուցահանդեսներ, վարպետաց դասեր և այլ միջոցառումներ:

Այս տարի փառատոնի բացման պատիվը տրվել է Մոսկվայի Վախթանգովի անվան Թատրոնին, որը ներկայացրել է ռեժիսոր Ռիմաս Տումինասի բեմադրած «Մինետտի» ռումինական պիեսը: Այն արդեն երկու անգամ ներկայացվել է փառատոնի հանդիսատեսներին և արժանացել մեծ ընդունելության:

Ի դեպ, Սիբիում կա փառքի ծառուղի, որտեղ փառատոնի շրջանակներում բացվել է ազգությամբ լիտվացի այս լեգենդար վախտանգովյան ռեժիսորի անվանական աստղը:

Սիբիու քաղաքը գտնվում է Հարավային Կարպատներ լեռնաշղթայի նախալեռնային գոտում: Այն փոքրիկ գավառային բնակավայր է, որը սակայն մի կախարդական փայտիկով ասես անմիջապես վերափոխվում է հանրահայտ դարձած թատերական փառատոնի օրերին: Դա սովորաբար տևում է 10 օր: Սիբիուի թատերական ստուգատեսը առաջին հերթին աչքի է ընկնում իր փողոցային ներկայացումներով: Դրան նպաստում են և քաղաքի փոքրությունը և պատմական կառոյցներով հարուստ լինելը:
    Դիտվել է 54 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249>>հաջորդ