Քաղաքակրթական ներուժը կեցության բարձրագույն արժեք է:

Օպտիմիզացիայի առաջին զոհը Ֆիլհարմոնիայում

07.03.2017


Այսօր Ռուսաստանի Սարատով քաղաքի ֆիլհարմոնիայի տնօրեն Ելենա Չեչենկոն հրաժարական է տվել, որովհետև ստիպված է եղել իրականացնել օպտիմիզացիայի քաղաքականություն: Այդ մասին տեղեկացնում է «taglur.am»-ը՝ հղում անելով «teatral-online.ru»-ին:

Այսպես, մասնավորապես հունիսի վերջին հայտարարվել է, որ մարզում միակ պրոֆեսիոնալ ազգագրական «Բալագան» համույթը, որի կազմում կա 15 մենակատար, պետք է ազատվի 10 հոգուց:

«Երբ մենք հարցրեցինք, ինչպես կարող է այդպիսի կազմով համույթը կատաել բազմաձայն երգ, մեզ առաջարկեցին երգել երկձայն ժողովրդական երգեր՝ բյուջետային միջոցները խնայելու նպատակով,- ասել է այդ համույթի ղեկավար Ալեքսանդր Կուրիլենկոն: Նա նաև նշել է, որ ռուսական երգը, դա հենց բազմաձայնությունն է, որը սլավոնական մշակույթի յուրահատուկ երևույթներից է:

Ի դեպ, համույթի ամբողջականությունը պաշտպանել է նաև մարզի նահանգապետի ժամանակավոր պաշտոնակատար Վալերի Ռադաևը:

Ըստ նրա սարատովցիների մի քանի սերնդի իր արվեստը ներկայացրած ստեղծագործական կոլեկտիվի ֆինանսատնտեսական և կազմակերպչական հարցերը արդարացում չեն նրանց խնդրանքը չլսելու համար: Նա այդ պահանջը համարել է առանց մտածելու վարչարարության արդյունք:

Ինչ-որ է, բայց «առանց մտածելու վարչարարությունը» Սարատովի ֆիլհարմոնիայում բերել է իր առաջին բացասական հետևանքները: Այսօր այդ հաստատության տնօրեն Ելենա Չեչենկոն ստիպված հրաժարական է տվել:
    Դիտվել է 561 անգամ