Քաղաքակրթական ներուժը կեցության բարձրագույն արժեք է:

15 րոպե տեսավ իրականությունը և ինքն իրեն կուրացրեց....

07.06.2017

«Էդիպի մեջ կա մտածողության ազատություն: Մեր մեջ դա չկա: Հարմարվում ենք: - այս օրերին Ռուսաստանի Վորոնեժ քաղաքում ընթացող «7-րդ պլատոնովյան փառատոնի» շրջանակներում կայացած հանդիպման ժամանակ իր «Արքա Էդիպ» բեմադրության մասին խոսելիս նշել է Մոսկվայի Վախթանգովի անվան թատրոնի գեղարվեստական ղեկավար Ռիմաս Տումինասը: Այդ մասին տեղեկացնում է «taglur.am»-ը՝ հղում անելով «rg.ru»-ին:

Տումինասը բնութագրել է իր բեմադրության գլխավոր հերոսին որպես ինքնասիրահարված, գոռոզ, փառամոլ և կպչուն մեկը, որն այդպիսին է, որովհետև այդ հատկանիշներն է իր հետ միասին հասունացրել, հասակ առել:

«Տեսնու՞մ եք մարտակառքը Էդիպին ճանապարհը չի զիջել, այդ պատճառով նա բոլորին սպանում է»,- նշում է Տումինասը և ընդգծում, որ Սֆինքսին հաղթելուց հետո, սակայն, արքան շատ տարիներ է ապրում այդ փառքով, հպարտանում է, որ ազատագրել է Թեբեն: Սակայն, ըստ ռեժիսորի հենց այդ փառքն էլ կուրացնում է նրան:

Տումինասն ասում է, որ երկրի ղեկավարներն էլ են այդպես ապրում: «Կարծես թե հանդիպում են, կարծես թե ամեն ինչ գիտեն, սակայն իրականում կույր են»:

Էդիպ արքան իր այդ կուրությունից դուրս եկավ, 15 րոպե տեսավ իրականությունը և ինքն իրեն կուրացրեց: «Սա է մարդու ունակությունը ինքն իրեն հերոսացնելու, որն իրեն դատում է և պատժում»: Ըստ Տումինասի սա անտիկ դարաշրջանից մեր ժամանակակիցներին հասցված ամենակարևոր հարվածն է:

Դա բարձր բարոյականության հարված է:

«Այսօր մեզանում արդեն ոչ մեկը ինքն իրեն մահվան չի դատապարտում: Եթե ինքն իր վրա կրակում էլ է, ապա միայն այն բանի համար, որ չբացահայտվի»,- նշում է Տումինասը:

Ըստ ռեժիսորի ստորությունը թափանցել է մեր կյանք: Հնարավոր է, որ կատարվեն մեծ սխալներ, սակայն երբեք ուշ չէ դրանք ընդունել և «դառնալ մարդ, փրկել երկիրն ու սեփական անձը: Պետք է կարողանալ մաքրվել»,- նշում է Ռիմաս Տումինասը:




Այս թեմայով այլ հղումներ-1
Այս թեմայով այլ հղումներ-2

    Դիտվել է 48 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249>>հաջորդ