Քաղաքակրթական ներուժը կեցության բարձրագույն արժեք է:

Վաճառվող ձայնապնակի վրա պահպանվում են մարդասպանի մատնահետքերը

07.17.2017

Լիվերպուլյան «Beatles» համույթի անդամ Ջոն Լենոնի «Double Fantasy» ձայնապնակը, որի վրա նա թողել է իր վրա կրակած Մարկ Չեպմանի համար ինքնագիր, համացանցային «Moments in Time» կայքում դրվել է վաճառքի 1,5 մլն դոլար արժեքով: Այդ մասին տեղեկացնում է «foxnews.com»-ը:

Լենոնն իր ինքնագիրը ձայնապնակի վրա թողել է սպանվելուց 5 ժամ առաջ:

Ձայնապնակը երգչի եղերական մահից հետո դարձել է նրա սպանության փաստական ապացույցներից մեկը: Հավաստիացվում է, որ դրա վրա պահպանվում են մարդասպան Չեպմանի մատնահետքերը:

Այն պարբերաբար դրվում է վաճառքի: Այսպես, 1998թ.-ին այն վաճառվել է 150 հազար դոլարով, 2010թ.-ին՝ 850 հազար դոլարով: Ձայնապնակի այսօրվա վաճառքն իրականացնողի անունը չի հրապարակվում:

1980 թ.-ի դեկտեմբերին Չեպմանը թիկունքից 5 անգամ կրակեց Լենոնի վրա, այն պահին, երբ նա իր կնոջ Յոկո Օնոյի հետ վերադառնում էր «Hit Factory» ձայնագրության ստուդիայից: Հանցագործը թաքնվելու փորձ անգամ չի արել:
    Դիտվել է 680 անգամ