Քաղաքակրթական ներուժը կեցության բարձրագույն արժեք է:

«Ծերունին և ծովը»՝ չեխովյան փառատոնի վերջին ակորդ

07.19.2017

Մոսկվայում ընթացքի մեջ գտնվող թատրոնի չեխովյան միջազգային փառատոնը այսօրվանից մտնում է եզրափակիչ շրջան՝ հանդիսատեսին ներկայացնելով լեգենդար ռեժիսոր Անատոլի Վասիլևի «Ծերունին և ծովը» բեմադրությունը՝ ըստ ամերիկացի գրող Էռնստ Հեմինգուեյի նույնանուն հայտնի ստեղծագործության:Այդ մասին տեղեկացնում է «taglur.am»-ը՝ հղում անելով «РИА новости»-ին:

Այսօր և վաղը՝ հուլիսի 20-ին, Վախթանգովի անվան թատրոնում կկայանա ներկայացման համաշխարհային պրեմիերան:

Վասիլևն իր այս աշխատանքը նվիրում է ռուսաստանցի մեկ այլ հայտնի թատերական ռեժիսորի՝ Յուրի Լյուբիմովի հիշատակին, որի 100-ամյակը նշվում է այս տարի:

«Ինչ ենք մենք ցանկանում. Ալլա Դեմիդովան, Վլադիմիր Մարտինովը և ես, նաև նկարիչների և տեխնիկների թիմը, չեխովյան փառատոնի հովանոցի ներքո: Ցանկանում ենք երախտագիտություն: Ցանկիանում ենք հիշողություն: Ցանկանում ենք սեր: Բողոքի այդ մեծ արարչի նկատմամբ՝ ռեծիսոր Յուրի Լյուբիմովի նկատմամբ: Եվ ոչ մի դավաճանություն, և ոչ մի դժգոհություն: Նրա անվան համար, 100-ամյա հոբելյանի տարում, մենք բոլորս հավաքվեցինք միասին, որպեսզի հանդիսատեսին ներկայացնենք «Ծերունին և ծովը» ներկայացումը»,- իր կատարած աշխատանքի մոտիվացիան այսպես է ներկայացրել է Վասիլևը:

Հենց Լյուբիմովն է, որ 1980թ.-ին Անատոլի Վասիլևին հրավիրել է իր հիմնած Տագանկայի թատրոն, որտեղ էլ նա բեմադրեց թատերական հասարակության վրա ցնցող ազդեցություն թողած «Սերսո» ներկայացումը՝ ըստ Վիկտոր Սլավկինի պիեսի:

Մեծն Ալլա Դեմիդովան, սկսած 1960-ականների վերջերից, խաղացել է Լյուբիմովի բոլոր բեմադրությունների գլխավոր կերպարները: Նա մեկնաբանել է թատրոնում իր գոյատևման սկզբունքը հետևյալ խոսքերով. « Ձգտել աշխատել ծավալային, դերասանորեն արդարացնելով Լյուբիմովի յուրաքանչյուր ռեժիսորական կառուցվածքը»:

Չեխովի անվան միջազգային թատերական փառատոնը 2017թ.-ին բոլորում է իր 25-ամյակը: Այս անգամ միջոցառմանը մասնակցել են 15 երկրներ, որոնք հանդիսատեսին են ներկայացրել տարբեր ժանրերի 22 բեմադրություն:




Այս թեմայով այլ հղումներ-1
Այս թեմայով այլ հղումներ-2
Այս թեմայով այլ հղումներ-3
Այս թեմայով այլ հղումներ-4
Այս թեմայով այլ հղումներ-5

    Դիտվել է 51 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249>>հաջորդ