Քաղաքակրթական ներուժը կեցության բարձրագույն արժեք է:

Մարքսը, Լենինը, Ստալինը և ... Ղազախստանի նախագահ Նորսուլթան Նազարբաևը բալետի հերոսներ

07.24.2017


Ղազախստանի Ալմա-Աթա քաղաքում կրկին բեմադրվել է դեռևս 2013 թ.-ին հանդիսատեսի կողմից ոգևորությամբ ընդունված «Մուրճ և մանգաղ» վերնագրով բալետը՝ նվիրված հոկտեմբերյան հեղափոխությանը: Պատմական այդ իրադարձության 100-ամյակի առթիվ այս ներկայացմանն անդրադարձած խորեոգրաֆ Բուլատ Այուխանովը նշել է, որ հին ներկայացումը այս անգամ կցուցադրվի զգալի փոփոխություններով և նոր վերնագրով: Այն այժմ կկրի «Հեղափոխության բազեն» անվանումը: Այդ մասին տեղեկացնում է «taglur.am»-ը՝ հղում անելով «rg.ru»-ին:

Բալետի հերոսները նաև Ղազախստանի պատմության մեջ առանցքային դեր խաղացած այնպիսի կերպարներ են, ինչպիսիք են Աբայը (ղազախ բանաստեղծ և հասարակական գործիչ), Մարքսը, Լենինը, Ստալինը և ... Ղազախստանի այսօրվա նախագահ Նորսուլթան Նազարբաևը, որը բեմ է դուրս գալիս ներկայացման վերջում:

Այուխանովը նշել է, որ բալետը վաղուց սպասում էր իր ժամին և ահա «համընկել է Հոկտեմբերյան հեղափոխության հերթական տարեդարձի տոնակատարության հետ»: Նա կարծում է, որ հեղափոխությունը « Լենինի հանճարեղ կատակն է, որը մինչև հիմա ցավ է պատճառում ստամոքսին»: Իր բեմադրությամբ խորեոգրաֆը խոստովանել է, որ ցանկացել է ցույց տալ, թե «մենք որքան երկար ենք լացել և քիչ ծիծաղել»:

Բալետում, տեսարաններից մեկում, Լենինը բեմի վրա վազում է ուսին գերան դրած: Այս մեկ տեսարանի պատճառով շատերը բալետը կնքել են «Լենինը և գերանը» նոր անունով, որը վիրավորել է Այուխանովին, քանի որ նա ցանկացել է, երիտասարդությանը ներկայացնել երկրի պատմության բոլոր առանցքային պահերը: Նա կարծում է, որ իր այս ներկայացումը կմտնի խորեոգրաֆիայի պատմության մեջ:

Տեսանյութեր

Դիտվել է 42 անգամ
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249>>հաջորդ